قازاقستان رەسپۋبليكاسىنىڭ عىلىم جەنە جوعارى بٸلٸم مينيسترٸ ساياسات نۇربەك قازۇيرگح (قازاق ۇلتتىق يرريگاتسييا جەنە سۋ شارۋاشىلىعى ۋنيۆەرسيتەتٸ) تٶڭٸرەگٸندەگٸ جاعدايدىڭ شيەلەنٸسۋٸنە بايلانىستى جۋىردا تاراز قالاسىنا باردى. Orda.kz جارييالاعان ماتەريالدان كەيٸن مينيستر احۋالدى ٶز كٶزٸمەن كٶرٸپ, ۇستازدار مەن ۋنيۆەرسيتەت باسشىلىعى اراسىنداعى كەلٸسپەۋشٸلٸكتٸ شەشۋدٸ جەكە باقىلاۋىنا الدى, دەپ حابارلايدى Dalanews.kz.
تارازعا جاساعان ساپارىندا ساياسات نۇربەك وقىتۋشىلارمەن كەزدەسٸپ, ولاردىڭ ۋەجٸن تىڭداعانىن راستادى.
"مەن ۋنيۆەرسيتەت ۇجىمىمەن كەزدەستٸم. ولاردىڭ ساۋالدارى مەن شاعىمدارىن مۇقييات تىڭدادىم. بٸرنەشە كٷن بۇرىن عانا پەداگوگتاردىڭ قۇقىقتارىن قورعايتىن كەسٸپوداق قۇرىلدى. قازٸرگٸ تاڭدا رەكتور كامشات تٷسٸپوۆانى جۇمىستان بوساتۋ مەسەلەسٸ قارالىپ جاتقان جوق. سەبەبٸ ول قىزمەتٸنە ەندٸ عانا كٸرٸستٸ. الايدا بٸز بٸرٸنشٸ پرورەكتوردى قىزمەتٸنەن بوساتۋ تۋرالى شەشٸم قابىلدادىق. بۇل لاۋازىم مينيستر بۇيرىعىمەن تاعايىندالادى. ۋنيۆەرسيتەتتەگٸ جاعداي — مەنٸڭ تٸكەلەي باقىلاۋىمدا", — دەدٸ مينيستر.
ايتا كەتەيٸك, ۇستازدار قاۋىمى بۇعان دەيٸن دە بٸرٸنشٸ پرورەكتور گالينا وماروۆانىڭ قىزمەتٸنەن كەتۋٸن تالاپ ەتكەن بولاتىن. قازٸرگٸ تاڭدا ول ٶز لاۋازىمىنان بوساتىلدى.
