Qazaqstan Respýblikasynyń Ǵylym jáne joǵary bilim ministri Saiasat Nurbek QazUIrGH (Qazaq ulttyq irrigatsiia jáne sý sharýashylyǵy ýniversiteti) tóńiregindegi jaǵdaidyń shielenisýine bailanysty jýyrda Taraz qalasyna bardy. Orda.kz jariialaǵan materialdan keiin ministr ahýaldy óz kózimen kórip, ustazdar men ýniversitet basshylyǵy arasyndaǵy kelispeýshilikti sheshýdi jeke baqylaýyna aldy, dep habarlaidy Dalanews.kz.
Tarazǵa jasaǵan saparynda Saiasat Nurbek oqytýshylarmen kezdesip, olardyń ýájin tyńdaǵanyn rastady.
"Men ýniversitet ujymymen kezdestim. Olardyń saýaldary men shaǵymdaryn muqiiat tyńdadym. Birneshe kún buryn ǵana pedagogtardyń quqyqtaryn qorǵaityn kásipodaq quryldy. Qazirgi tańda rektor Kamshat Túsipovany jumystan bosatý máselesi qaralyp jatqan joq. Sebebi ol qyzmetine endi ǵana kiristi. Alaida biz birinshi prorektordy qyzmetinen bosatý týraly sheshim qabyldadyq. Bul laýazym ministr buiryǵymen taǵaiyndalady. Ýniversitettegi jaǵdai — meniń tikelei baqylaýymda", — dedi ministr.
Aita keteiik, ustazdar qaýymy buǵan deiin de birinshi prorektor Galina Omarovanyń qyzmetinen ketýin talap etken bolatyn. Qazirgi tańda ol óz laýazymynan bosatyldy.
