پروكۋراتۋرا نارازىلىعى نەگٸزٸندە ۇلىتاۋ وبلىسى سەتباەۆ قالاسى ەكٸمٸنٸڭ زاڭسىز ٶكٸمٸ جويىلدى, دەپ حابارلايدى dalanews.kz.
ۇلىتاۋ وبلىسى سەتباەۆ قالاسىنىڭ پروكۋراتۋراسىنىڭ نارازىلىعى بويىنشا قالا ەكٸمٸنٸڭ زاڭسىز ٶكٸمٸ كٷشٸن جويدى.
اتاپ ايتقاندا, قالا ەكٸمٸنٸڭ ٶكٸمٸمەن سەتباەۆ قالاسى ارقىلى ٶتەتٸن رەسپۋبليكالىق ماڭىزى بار اۆتوجولدا اۋىر جٷك كٶلٸكتەرٸنٸڭ قوزعالىسىنا ۋاقىتشا شەكتەۋ ەنگٸزٸلگەن.
الايدا تەكسەرۋ بارىسىندا اتالعاناۆتوجول ۋچاسكەسٸ «قازاۆتوجول» اق-نىڭ سەنٸمگەرلٸك باسقارۋىندا ەكەنٸ انىقتالدى. وسىعان بايلانىستى جەرگٸلٸكتٸ اتقارۋشى ورگاننىڭ مۇنداي شەكتەۋ ەنگٸزۋگە ٶكٸلەتتٸگٸ بولماعان.
نەتيجەسٸندە, زاڭسىز قابىلدانعان نورماتيۆتٸك اكت جەزقازعان–پەتروپاۆل رەسپۋبليكالىق ماڭىزى بار اۆتوجولىنا جاتاتىن كٶشەدە كٶلٸك قوزعالىسىن نەگٸزسٸز شەكتەگەن.
زاڭ ٷستەمدٸگٸن قامتاماسىز ەتۋ, مەملەكەتتٸك مٷددەلەردٸ قورعاۋ جەنە زاڭسىز اكتٸلەردٸڭ قابىلدانۋىنا جول بەرمەۋ پروكۋراتۋرا ورگاندارىنىڭ تۇراقتى باقىلاۋىندا.
