وڭتۇستىك قازاقستان وبلىسى سارىاعاش اۋدانىندا بيىل 8781 توننا ءجۇزىم جينالدى. شارۋالار ورتاشا ەسەپپەن ءجۇزىمنىڭ ءاربىر گەكتارىنان 48،9 سەنتنەردەن ءونىم العان. ال بيىل تامشىلاتىپ سۋارۋ ءتاسىلى ەنگىزىلگەن 450،7 گەكتار ءجۇزىمنىڭ  283 گەكتار القابى 1698 توننا  ءونىم بەرىپتى.  ياعني، باعباندار ءجۇزىمنىڭ ءار گەكتارىنان  70  سەنتنەرگە دەيىن ءونىم جيناعان. «ءجۇزىمنىڭ ءونىم بەرۋ مەرزىمى  ءتورتىنشى جىلدان باستالاتىنىن ەسكەرسەك، اتالعان ونىمدىلىك جاقسى كورسەتكىش بولىپ سانالادى» دەيدى سارىاعاشتىق ديقاندار.



[caption id="attachment_31434" align="alignright" width="400"] فوتو. سامات مىرزالييەۆ.[/caption]

جالپى بۇگىندە سارىعاش اۋدانىندا 1871 گەكتار القاپتا ءجۇزىم وسىرىلەدى.   ونىڭ ىشىندە 1420،3 گەكتارى ەسكى، 450،7 گەكتارى جاڭا زاماناۋي تەحنولوگيا ياعني تامشىلاتىپ سۋارۋ ءتاسىلى بويىنشا ەگىلىپتى.  450،7 گەكتار جاڭا زاماناۋي تەحنولوگيا بويىنشا ەگىلگەن ءجۇزىمنىڭ 92،7 گەكتارى اسحانالىق، 358 گەكتارى تەحنيكالىق سورتتار سانالادى. 2017 جىلى اۋداندا 60 گەكتار  ەگىستىك جەرگە تامشىلاتىپ سۋارۋ ءتاسىلى ەندىرىلگەن.

الداعى جىلى اۋدانداعى  ءجۇزىمنىڭ كوپجىلدىق ەكپەلەرىنىڭ كولەمى 1931 گەكتارعا جەتەدى دەگەن جوسپار بار.  ونىڭ 563،7 گەكتارى تامشىلاتىپ سۋارۋ ءتاسىلى  ەنگىزىلگەن ءجۇزىم القاپتارى بولادى دەپ كۇتىلۋدە.

بۇگىندە سارىاعاش اۋدانىندا جالپى كولەمى 647،39 گەكتاردى قۇرايتىن 2530 جىلىجاي بار.  بيىلدىڭ وزىندە وڭىردە جالپى كولەمى 56،39 گەكتارلىق  82 بىرلىك جىلىجاي سالىنعان.

وقو اكىمىنىڭ باسپا ءسوز قىزمەتى