يسپانييا پرەمەر-مينيسترٸ پەدرو سانچەس پارلامەنت تۇرعىن ٷي داعدارىسىن شەشۋگە باعىتتالعان ٷكٸمەت ۇسىنىستارىن قابىلداماعاننان كەيٸن مەرزٸمٸنەن بۇرىن پارلامەنت سايلاۋىن 29 قاراشاعا بەلگٸلەدٸ, دەپ حابارلايدى dalanews.kz.
سانچەس بۇل شەشٸمدٸ 5 قازاندا تەلەديدار ارقىلى جاساعان ٷندەۋٸندە جارييالادى. يسپانيياداعى كەزەكتٸ پارلامەنت سايلاۋى 2027 جىلى ٶتۋٸ تيٸس ەدٸ.
ٷكٸمەت باسشىسىنىڭ شەشٸمٸنە پارلامەنتتەگٸ سوڭعى داۋىس بەرۋ تٷرتكٸ بولدى. ٶتكەن جۇمادا دەپۋتاتتار تۇرعىن ٷي داعدارىسىن جەڭٸلدەتۋگە باعىتتالعان ەكٸ تٶتەنشە قاۋلىنى قولدامادى. قۇجاتتار وسال توپتاردى تۇرعىن ٷيدەن شىعارۋعا شەكتەۋ قويۋدى, جالداۋ شارتتارىن ۇزارتۋدى جەنە قىسقا مەرزٸمدٸ جالعا بەرۋدٸ رەتتەۋدٸ قاراستىرعان.
بۇل جاعداي يسپانييادا تۇرعىن ٷي باعاسى مەن جالداۋ اقىسىنا قاتىستى نارازىلىق كٷشەيگەن كەزەڭدە بولىپ وتىر. سوڭعى كٷندەرٸ ەلدٸڭ بٸرنەشە قالاسىندا مىڭداعان ادام تۇرعىن ٷيدٸڭ قولجەتٸمدٸ بولۋىن تالاپ ەتٸپ, نارازىلىق اكتسييالارىنا شىقتى.
سانچەس باستاعان سوتسياليستەردٸڭ پارلامەنتتە تۇراقتى كٶپشٸلٸگٸ جوق. قازٸرگٸ ساۋالنامالاردىڭ بٸرٸندە وپپوزيتسييالىق حالىقتىق پارتييا 33,9 پايىز قولداۋمەن بٸرٸنشٸ ورىندا تۇر, ال سانچەستٸڭ يسپانييا سوتسياليستٸك جۇمىسشى پارتيياسى 25,7 پايىز كٶرسەتكٸشكە يە. Vox پارتيياسىنىڭ قولداۋى 18 پايىز بولعان.
حالىقتىق پارتييا جەتەكشٸسٸ البەرتو نۋنەس فەيحوو پارتيياسى ٷكٸمەت قۇرۋعا دايىن ەكەنٸن مەلٸمدەدٸ. بۇل جاعدايدا پارتيياعا وڭشىل Vox-تىڭ قولداۋى قاجەت بولۋى مٷمكٸن. الايدا سايلاۋدىڭ ناقتى نەتيجەسٸ مەن بولاشاق ٷكٸمەتتٸڭ قۇرامى داۋىس بەرۋ قورىتىندىسىنان كەيٸن بەلگٸلٸ بولادى.
سانچەس يسپانييا ٷكٸمەتٸن 2018 جىلدان بەرٸ باسقارىپ كەلەدٸ. ونىڭ قازٸرگٸ ٷكٸمەتٸ پارلامەنتتەگٸ تۇراقتى كٶپشٸلٸككە يە ەمەس جەنە سوڭعى جىلدارى زاڭنامالىق باستامالاردى ٶتكٸزۋ ٷشٸن ەرتٷرلٸ ساياسي كٷشتەردٸڭ قولداۋىنا سٷيەنٸپ كەلدٸ.
