ەكس مينيستر قۋاندىق بيشٸمباەۆقا قاتىستى سوتتىڭ الدىن الا تىڭداۋىندا زارداپ شەككەن تاراپ سالتانات نٷكەنوۆا قايتىس بولعان تٷنٸ نە بولعانىن ايتتى, - دەپ حابارلايدى Dalanews.kz.
ايىپتاۋ تاراپىنىڭ مەلٸمەتٸ بويىنشا, قايعىلى وقيعا بولعان تٷنٸ قۋاندىق بيشٸمباەۆ پەن سالتانات نٷكەنوۆا كونتسەرتتە بولعان. ول جەردە سالتانات پەن قۋاندىق سٶزگە كەلٸسپەي قالعان. ارتىنشا ەكەۋٸ مەيرامحاناعا بارعان. ول جەردە دە جانجال جالعاسقان. سالتانات بيشٸمباەۆپەن اجىراسقىسى كەلەتٸنٸن اعاسىنا ايتقان.
وسىلايشا بيشٸمباەۆ ماس كٷيدە نٷكەنوۆانىڭ باسىنان بٸرنەشە رەت ۇرىپ جٸبەرگەن. ارتىنشا اياعىمەن تەپكٸلەي باستاعان. سالتانات قاشىپ, بٶلمەلەردٸڭ بٸرٸنە تىعىلىپ قالعان. الايدا بيشٸمباەۆ ەسٸكتٸ جۇلىپ الىپ, قايتادان ۇرا باستاعان. سالتانات بٸرنەشە رەت ەسٸن جيعانىمەن بيشٸمباەۆ ونى ۇرۋىن قويماعان.
2023 جىلى 9 قاراشادا بيشٸمباەۆ اسا اۋىر قىلمىس جاساعاننان كەيٸن گاستروورتالىقتىڭ ديرەكتورى بايجانوۆقا حابارلاسىپ, ەش نەرسە تٷسٸندٸرمەستەن مەيرامحاناعا كەلۋٸن بۇيىرعان. مەملەكەتتٸك ايىپتاۋشىنىڭ سٶزٸنشە, بايجانوۆ مەيرامحاناعا كەلگەننەن كەيٸن نٷكەنوۆانىڭ جەردە جاتقانىن كٶرگەن. اينالا قانعا تولعان. ارتىنشا بيشٸمباەۆ ەكەۋٸ سالتاناتتى كٶتەرٸپ, ديۆانعا جاتقىزعان. بٸرنەشە ساعاتتان كەيٸن بايجانوۆ سالتانات قايتىس بولعانىن كٶرگەن.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
