فورۋمعا قاتىسۋشىلارعا ارناعان سوزىندە الماتى اكىمى باقىتجان ساعىنتايەۆ قازىرگى جاستار 30 جىلدىعى بيىل اتاپ وتىلەتىن تاۋەلسىزدىكتىڭ جەتىستىكتەرىن بىلەتىنىن جانە باعالايتىنىن اتاپ ءوتتى. الماتى ونىڭ قالىپتاسۋى مەن نىعايۋى بارىسىندا ەرەكشە ءرول اتقاردى.
قالا اكىمىنىڭ ايتۋىنشا، بولاشاق – شىعارماشىلىق ماماندىقتار مەن ءبىلىم ەكونوميكاسىندا. بۇگىن ءبىز بۇعان تاعى دا كوز جەتكىزدىك. جاستار كرەاتيۆتى ەكونوميكانىڭ باستى درايۆەرى بولىپ تابىلادى. الماتى – جاستار قالاسى. ءاربىر ءۇشىنشى قالا تۇرعىنى – 35 جاسقا دەيىنگى جاس ادام. مۇندا 37 جوعارى وقۋ ورنى مەن 80 كوللەدجدە 240 مىڭنان استام ستۋدەنت وقيدى.
قالا قارقىندى دامۋدا، ۇيرەنشىكتى پروبلەمالاردى زامانۋي تۇرعىدا شەشۋدى تالاپ ەتەتىن جاڭا مىندەتتەر قويىلۋدا. جاستاردىڭ بۇل پروسەسكە قاتىسۋى ءۇشىن وزەكتى ماسەلەلەردى شەشۋ، وقىتۋ، ءتالىم الۋ، شىعارماشىلىق الەۋەتتى دامىتۋ جانە ىسكە اسىرۋ ءۇشىن جاعدايلار جاسالۋدا.
الماتىدا De Montfort ۋنيۆەرسيتەتىنىڭ فيليالى اشىلدى – قازاقستاندا ءبىلىم بەرۋ ليسەنزياسىن العان جالعىز تولىققاندى شەتەلدىك جوعارى وقۋ ورنى. العاشقى 145 ستۋدەنت ءقازىردىڭ وزىندە وسىندا ءبىلىم الۋدا. جاقىن ارادا ەلباسىنىڭ باستاماسى بويىنشا «الاتاۋ» اتپ اەا اۋماعىندا نازاربايەۆ ۋنيۆەرسيتەتىنىڭ جاساندى ينتەللەكت مەكتەبىنىڭ قۇرىلىسى باستالادى. اريزونا شتاتىنىڭ تاعى ءبىر جەتەكشى ۋنيۆەرسيتەتى كاسىپكەرلىكتى دامىتۋ سالاسىندا اشىلادى.
سپورتتىق ينفراقۇرىلىم دامۋدا. جەرگىلىكتى بيۋدجەت ەسەبىنەن 6 دەنە شىنىقتىرۋ-ساۋىقتىرۋ كەشەنى مەن تەننيس ورتالىعىنىڭ قۇرىلىسى جۇرگىزىلۋدە، تاعى 5 ءىرى نىساندى جەكە ينۆەستورلار سالۋدا.
اعىمداعى جىلدىڭ سوڭىنا دەيىن 63 مەكتەپ جانىنداعى سپورت نىساندارىن مودەرنيزاسيالاۋ اياقتالادى، وندا 73 فۋتبول، 63 ۆولەيبول جانە باسكەتبول الاڭدارى، سونداي-اق ۆوركاۋت ايماقتارى مەن جۇگىرۋ جولدارى بار. 12 جەكپە-جەك ورتالىعى اشىلدى.
جاس كرەاتيۆتى كاسىپكەرلەر ءۇشىن «الماتى» اكك گرانتتارى قاراستىرىلعان. يننوۆاسيالىق جوبالاردى 2 ملن تەڭگەدەن باستاپ قارجىلاندىرۋ باعدارلاماسى ازىرلەندى، بارلىق اۋدانداردا كرەاتيۆتى حابتار قۇرىلۋدا. جاس اT-تالانتتاردى قولداۋ ءۇشىن جوعارى وقۋ ورىندارى مەن بيزنەستى بىرىكتىرەتىن ءبىرىڭعاي سيفرلىق پلاتفورما قۇرىلدى. ءبىلىم بەرەتىن Coursera پلاتفورماسىمەن بىرگە 2020 جىلى الەمنىڭ ۇزدىك ۋنيۆەرسيتەتتەرىنەن تەحنولوگيالىق كۋرستاردان تەگىن وتۋگە 5 مىڭ ليسەنزيا ۇسىنىلدى.
جاستاردى جۇمىسپەن قامتۋ ماقساتىندا اعىمداعى جىلدىڭ 10 ايىندا 16 مىڭنان استام جاس جۇمىسقا ورنالاستىرىلدى. NEET ساناتى ءۇشىن العاشقى جۇمىس كاسىبىن يگەرۋگە مۇمكىندىك بەرىلەدى. جىل سايىن كوللەدجدەردە وقۋعا 11 مىڭنان استام گرانت بولىنەدى.
قالا جاستاردىڭ باستى ماسەلەلەرىنىڭ ءبىرى – تۇرعىن ءۇي ماسەلەسىن شەشۋگە كومەكتەسەدى. «الماتى جاستارى» قالالىق باعدارلاماسى اياسىندا جىل سايىن 1 مىڭ جەڭىلدەتىلگەن تۇرعىن ءۇي زاەمى قاراستىرىلعان. اعىمداعى جىلى 843 جاس وتباسى پاتەر الدى. سونىمەن قاتار، جۇمىس ىستەيتىن جاستار اراسىندا 1050 جالدامالى پاتەر بولىنەدى.
«ماسس-مەديا» جوباسىنىڭ اۆتورى ا. ساعىن ۇلى، اكتريسا، كوۋچ ا. تۇرسىن، 2021 جىلعى الەم چەمپيوناتىنىڭ جۇلدەگەرى، دزيۋدوشى ع. قىرعىزبايەۆ، اكتريسا، كاسىپكەر ق. اناربەكوۆا، Asarume قق پرەزيدەنتى ا. نۇرماشيەۆ جانە باسقالار وسكەلەڭ ۇرپاقتىڭ قالانىڭ، ەلدىڭ جانە جالپى قوعامنىڭ دامۋىنداعى ءرولى تۋرالى ءوز ويلارىمەن ءبولىستى.
