نۇرلان سابۋروۆتىڭ جۇبايى ديانا سابۋروۆا رەسەيدەگٸ بيزنەسٸن جابۋ پروتسەسٸن باستادى. بۇل شەشٸم ەزٸلكەشكە ەلگە 50 جىلعا كٸرۋگە تىيىم سالىنعاننان كەيٸن قابىلدانعان, دەپ حابارلايدى Dalanews.kz.
Mash جەنە ريا نوۆوستي دەرەكتەرٸنە سەيكەس, ديانا سابۋروۆا 2025 جىلى تٸركەلگەن «دس ريتەيل» كومپانيياسىن (سۋسىندار مەن تەمەكٸ ٶنٸمدەرٸن ساتۋ) جابۋ تۋرالى شەشٸم قابىلداعان.
كومپانييانى تاراتۋ رەسٸمٸ 2026 جىلعى 16 ناۋرىزدا باستالعان. سوڭعى بٸر جىلدا ونىڭ اكتيۆتەرٸ شامامەن 1 ملن رۋبلگە دەيٸن ٶسكەنٸنە قاراماستان, كەسٸپ تولىق جابىلماق.
سونىمەن قاتار, ديانا سابۋروۆانىڭ جەكە كەسٸپكەرلٸگٸ ساقتالادى. ول ورىنداۋشىلىق ٶنەر سالاسىندا جۇمىس ٸستەيدٸ.
اتالعان كەسٸپ 2026 جىلدىڭ 5 اقپانىندا, ياعني نۇرلان سابۋروۆقا رەسەيگە كٸرۋگە تىيىم سالىنعاننان كەيٸن بٸرنەشە كٷن ٶتكەن سوڭ تٸركەلگەن. بۇل قىزمەت اياسىندا جارناما, دەمالىس پەن ويىن-ساۋىق شارالارىن ۇيىمداستىرۋمەن اينالىسۋعا مٷمكٸندٸك بار.
