2026 جىلعى 13 قاڭتاردا س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتٸندە ۋنيۆەرسيتەتتٸڭ كٶرنەكتٸ تٷلەگٸ, قازاقستاننىڭ ەڭبەك ەرٸ, «رودينا» اگروفيرماسى جشس-نٸڭ باس ديرەكتورى, قازاقستاننىڭ ەڭبەك سٸڭٸرگەن قايراتكەرٸ, كەسٸپكەر ەرٸ مەتسەنات يۆان اداموۆيچ ساۋەردٸڭ ەسٸمٸ بەرٸلگەن اۋديتورييانىڭ سالتاناتتى اشىلۋى ٶتتٸ, دەپ حابارلايدى Dalanews.kz
اتالعان شارا ۋنيۆەرسيتەت ٶمٸرٸندەگٸ ماڭىزدى وقيعاعا اينالىپ, وعان مەملەكەتتٸك ورگانداردىڭ ٶكٸلدەرٸ, قازاقستان رەسپۋبليكاسى پارلامەنتٸنٸڭ دەپۋتاتتارى, عىلىمي قاۋىمداستىق مٷشەلەرٸ, اگرارلىق كەسٸپورىنداردىڭ باسشىلارى, قوعام قايراتكەرلەرٸ, سونداي-اق پروفەسسور-وقىتۋشىلار قۇرامى مەن ستۋدەنتتەر قاتىستى. سونىمەن قاتار ٸس-شاراعا يۆان اداموۆيچتٸڭ كۋرستاستارى قاتىسىپ, ستۋدەنتتٸك جىلداردى ەسكە الىپ, بۇل باستامانىڭ ۋنيۆەرسيتەت پەن ونىڭ تٷلەكتەرٸ ٷشٸن ماڭىزدىلىعىن اتاپ ٶتتٸ.
ٸس-شارا اياسىندا جاڭا بۋىنعا ارنالعان Smart-اۋديتورييا سالتاناتتى تٷردە اشىلدى. زاماناۋي مۋلتيمەدييالىق تەحنولوگييالارمەن جەنە تسيفرلىق وقىتۋ ەلەمەنتتەرٸمەن جابدىقتالعان بۇل بٸلٸم بەرۋ كەڭٸستٸگٸ ستۋدەنتتەردٸڭ يكەمدٸ ويلاۋ قابٸلەتٸن قالىپتاستىرۋعا, پراكتيكالىق داعدىلارىن دامىتۋعا جەنە زيياتكەرلٸك ەلەۋەتٸن ارتتىرۋعا باعىتتالعان. اۋديتورييا بٸلٸم بەرۋدٸڭ تسيفرلىق ترانسفورماتسيياسى تالاپتارىنا تولىقتاي ساي كەلەدٸ.
سالتاناتتى رەسٸم بارىسىندا يۆان اداموۆيچ ساۋەردٸڭ ۋنيۆەرسيتەتتٸ دامىتۋعا قوسقان ٷلەسٸنە ەرەكشە نازار اۋدارىلدى. قوعامدىق بەلسەندٸلٸگٸمەن جەنە مەتسەناتتىق قىزمەتٸمەن تانىمال ول كٶپتەگەن جىلدار بويى بٸلٸم بەرۋ سالاسىنداعى باستامالاردى قولداپ كەلەدٸ. اتاۋلى اۋديتورييانىڭ اشىلۋى – ونىڭ تۋعان ۋنيۆەرسيتەتٸنٸڭ ينفراقۇرىلىمىن دامىتۋعا, ستۋدەنتتەر مەن وقىتۋشىلار ٷشٸن قولايلى ەرٸ تەحنولوگييالىق بٸلٸم بەرۋ ورتاسىن قالىپتاستىرۋعا باعىتتالعان يگٸ ٸستەرٸنٸڭ جالعاسى.
سالتاناتتى بٶلٸمدە مەملەكەتتٸك ورگانداردىڭ, قازاقستان رەسپۋبليكاسى پارلامەنتٸنٸڭ, استانا قالاسى ەكٸمدٸگٸنٸڭ, قازاقستان رەسپۋبليكاسى اۋىل شارۋاشىلىعى مينيسترلٸگٸنٸڭ, قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸنٸڭ, سونداي-اق ۇلتتىق اگرارلىق عىلىمي-بٸلٸم بەرۋ ورتالىعىنىڭ ٶكٸلدەرٸ قۇتتىقتاۋ سٶز سٶيلەدٸ.
ۋنيۆەرسيتەت باسقارما تٶراعاسى – رەكتور, قر ۇعا اكادەميگٸ قانات ماراتۇلى تٸرەۋوۆ ٶز سٶزٸندە يۆان اداموۆيچ ساۋەر تۇلعاسىنىڭ ۋنيۆەرسيتەت پەن ەل ٷشٸن ايرىقشا ماڭىزىن اتاپ ٶتتٸ.
«بٸزدٸڭ ۋنيۆەرسيتەت ٷشٸن يۆان اداموۆيچ ساۋەردٸڭ س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتٸنٸڭ كٶرنەكتٸ تٷلەگٸ ەرٸ قۇرمەتتٸ پروفەسسورى ەكەنٸ ەرەكشە قۇندى. ول عىلىم مەن بٸلٸمنٸڭ ماڭىزىن ەردايىم العا قويادى. بۇل اۋديتورييا – جاي عانا وقۋ ورنى ەمەس, ستۋدەنتتەردٸ ەڭبەكقورلىققا, جاۋاپكەرشٸلٸككە جەنە تۋعان جەرگە دەگەن سٷيٸسپەنشٸلٸككە تەربيەلەيتٸن شابىت مەكەنٸ», – دەدٸ رەكتور.
سالتاناتتى شارانىڭ جالعاسى رەتٸندە يۆان اداموۆيچ ساۋەر «اگرارلىق بيزنەستٸ باسقارۋ تەجٸريبەسٸ جەنە اۋىل شارۋاشىلىعىنىڭ ورنىقتى دامۋى» تاقىرىبىندا اشىق دەرٸس وقىپ, ٶز تەجٸريبەسٸمەن جەنە باسقارۋشىلىق كٶزقاراستارىمەن بٶلٸستٸ.
اتاۋلى Smart-اۋديتورييانىڭ اشىلۋى ۋنيۆەرسيتەتتٸڭ ماتەريالدىق-تەحنيكالىق بازاسىن نىعايتۋعا جەنە اگرارلىق سالا ٷشٸن ۋاقىت تالابىنا ساي, بەسەكەگە قابٸلەتتٸ ماماندار دايارلاۋعا باعىتتالعان ماڭىزدى قادام بولدى.
