2024 جىلدىڭ 17 ناۋرىزىندا رەسەيدە پرەزيدەنت سايلاۋى وتەدى. وسىعان بايلانىستى الماتىداعى رەسەي فەدەراسياسىنىڭ باس كونسۋلدىعى ۇندەۋ جولدادى، دەپ حابارلايدى Dalanews.kz.
حابارلاماعا سايكەس، كونسۋلدىق رەسەي ازاماتتارىن داۋىس بەرۋگە شاقىرادى.
"17 ناۋرىزدا باس كونسۋلدىقتىڭ اۋماعىندا (الماتى، جامبىل، جەتىسۋ، تۇركىستان، قىزىلوردا وبلىستارى، الماتى، شىمكەنت قالالارى) سايلاۋعا بايلانىستى داۋىس بەرۋ وتەدى"، - دەدى الماتىداعى رەسەي فەدەراسياسىنىڭ باس كونسۋلدىعى.
داۋىس بەرۋ 08:00-دە باستالىپ، 20:00-دە اياقتالادى.
"الماتى قالاسى، جاندوسوۆ كوشەسى، 4 مەكەنجايى بويىنشا رەسەي باس كونسۋلدىعىنىڭ عيماراتىندا ورنالاسقان №8133 سايلاۋ ۋچاسكەسى مەن №8134 سايلاۋ ۋچاسكەسىندە داۋىس بەرۋگە بولادى"، - دەپ جازىلعان باسىلىمدا.
