رەسەي پرەزيدەنتى مەن اقش-تىڭ مەملەكەتتىك حاتشىسى دا وزبەكستانعا بارادى

Dalanews 02 قىر. 2016 09:42 256

سامارقاندقا رەسەي پرەزيدەنتى ۆلاديمير پۋتين مەن اقش-تىڭ مەملەكەتتىك حاتشىسى دجون كەرري ۇشىپ بارادى.

بۇل تۋرالى UzMetronom.com سايتىنا سىلتەمە جاساعان kaz.365info.kz حابارلادى.

سەنىمدى دەرەككوزدىڭ كەلتىرگەن مالىمەتىنشە، 3-قىركۇيەكتە قىتايداعى G20 سامميتىنە بارار جولدا رەسەي پرەزيدەنتى ۆلاديمير پۋتين سامارقاندقا سوعىپ كەتپەكشى. ءبىزدىڭ مالىمەت بويىنشا، ءۇندىستاننان جول تارتقان اقش-تىڭ مەملەكەتتىك حاتشىسى دجون كەرري دە ورتا جولدان سامارقاند قالاسىنا ات باسىن تىرەمەكشى.

الدىندا قازاقستان پرەزيدەنتى سەنبى كۇنى وزبەكستانعا باراتىندىعى ايتىلعان. ءبىراق اقوردا بۇل مالىمەتتى جوققا شىعارعان بولاتىن.
ەسكە سالا كەتەلىك، بۇگىن وزبەكستان ۇكىمەتى كارىموۆتىڭ اۋىر حالدە جاتقانىن حابارلاعان بولاتىن.

1-قىركۇيەكتە «فەرگانا» اقپارات اگەنتتىگى يسلام كارىموۆتى جەرلەۋگە دايىندالىپ جاتقاندىعى تۋرالى حابار تاراتقان. باسىلىمنىڭ كەلتىرگەن دەرەگىنە سۇيەنسەك، وزبەك باسشىسى تۋعان قالاسى سامارقاندتا جەرلەنەدى-مىس. كارىموۆتىڭ قازاسى تۋرالى جۇما كۇنى، ياعني 2-قىركۇيەكتە رەسمي تۇردە جاريالانباق. ال جەرلەۋ ءراسىمى 3-قىركۇيەكتە وتەدى.

يسلام كارىموۆ ەكى اعاسى مەن اناسى جەرلەنگەن سامارقاند قالاسىنداعى بەيىتكە اپارىپ جەرلەنەدى.

ۇسىنىلعان
سوڭعى جاڭالىقتار