Bul týraly UzMetronom.com saityna silteme jasaǵan kaz.365info.kz habarlady.
Senimdi derekkózdiń keltirgen málimetinshe, 3-qyrkúiekte Qytaidaǵy G20 sammitine barar jolda Resei prezidenti Vladimir Pýtin Samarqandqa soǵyp ketpekshi. Bizdiń málimet boiynsha, Úndistannan jol tartqan AQSh-tyń memlekettik hatshysy Djon Kerri de orta joldan Samarqand qalasyna at basyn tiremekshi.
Aldynda Qazaqstan prezidenti senbi kúni Ózbekstanǵa baratyndyǵy aitylǵan. Biraq Aqorda bul málimetti joqqa shyǵarǵan bolatyn.
Eske sala ketelik, búgin Ózbekstan úkimeti Kárimovtiń aýyr halde jatqanyn habarlaǵan bolatyn.
1-qyrkúiekte «Fergana» aqparat agenttigi Islam Kárimovti jerleýge daiyndalyp jatqandyǵy týraly habar taratqan. Basylymnyń keltirgen deregine súiensek, ózbek basshysy týǵan qalasy Samarqandta jerlenedi-mys. Kárimovtiń qazasy týraly juma kúni, iaǵni 2-qyrkúiekte resmi túrde jariialanbaq. Al jerleý rásimi 3-qyrkúiekte ótedi.
Islam Kárimov eki aǵasy men anasy jerlengen Samarqand qalasyndaǵy beiitke aparyp jerlenedi.
