ءاتى-جونى اتالۋىن قالاماعان شەنەۋنىكتىڭ بولجامىنا قاراعاندا، ۋكراين جاۋىنگەرلەرى ازىرگە «قاتتى قارسىلىق كورسەتىپ جاتقانىمەن»، رەسەي ۋكراينا قارۋلى كۇشتەرىنە، دونباسستاعى ءتۇرلى نىساندار مەن قالالارعا اۋىر سوققى جاساپ جاتىر.
پەنتاگون وكىلى ۋكراين ارمياسىنىڭ «حاركوۆ توڭىرەگىندە اجەپتاۋىر ناتيجەگە جەتكەنىن»، رەسەي 90 كۇن بويى باقىلاۋدا ۇستاعان ءبىرقاتار اۋماقتى قايتارىپ العانىن اتاپ ءوتتى.
اقش قورعانىس مينيسترلىگىنىڭ مالىمەتىنشە، رەسەي ارمياسى سوعىس باستالعالى بەرى كەم دەگەندە 1000 تانك، 36 ۇشاق جانە 50-دەن اسا تىكۇشاقتان ايرىلعان، دەگەنمەن ونىڭ ۋكراينا قارۋلى كۇشتەرىنە قاراعاندا تەحنيكاسى مەن جاۋىنگەرى الدەيقادا كوپ.
امەريكالىق اسكەريدىڭ ايتۋىنشا، ءقازىر ۋكراينادا رەسەيدىڭ 110 باتالون-تاكتيكالىق توبى ورنالاسقان، ولار سلاۆيانسك جانە كراماتورسك باعىتىندا اجەپتاۋىر ىلگەرى جىلجي الدى.
پەنتاگون شەنەۋنىگى رەسەي قورعانىس مينيسترلىگىنىڭ 50 جاستان اسقان ەر ازاماتتارعا اسكەرگە بارۋعا رۇقسات بەرگەنىن دە ايتتى. "ماسكەۋ مايدانعا قوسىمشا كۇش تارتۋدىڭ ءتۇرلى امالىن ىزدەپ جاتىر"، - دەدى امەريكالىق شەنەۋنىك.
