Aty-jóni atalýyn qalamaǵan sheneýniktiń boljamyna qaraǵanda, ýkrain jaýyngerleri ázirge «qatty qarsylyq kórsetip jatqanymen», Resei Ýkraina qarýly kúshterine, Donbasstaǵy túrli nysandar men qalalarǵa aýyr soqqy jasap jatyr.
Pentagon ókili ýkrain armiiasynyń «Harkov tóńireginde ájeptáýir nátijege jetkenin», Resei 90 kún boiy baqylaýda ustaǵan birqatar aýmaqty qaitaryp alǵanyn atap ótti.
AQSh qorǵanys ministrliginiń málimetinshe, Resei armiiasy soǵys bastalǵaly beri kem degende 1000 tank, 36 ushaq jáne 50-den asa tikushaqtan airylǵan, degenmen onyń Ýkraina qarýly kúshterine qaraǵanda tehnikasy men jaýyngeri áldeiqada kóp.
Amerikalyq áskeridiń aitýynsha, qazir Ýkrainada Reseidiń 110 batalon-taktikalyq toby ornalasqan, olar Slaviansk jáne Kramatorsk baǵytynda ájeptáýir ilgeri jylji aldy.
Pentagon sheneýnigi Resei qorǵanys ministrliginiń 50 jastan asqan er azamattarǵa áskerge barýǵa ruqsat bergenin de aitty. "Máskeý maidanǵa qosymsha kúsh tartýdyń túrli amalyn izdep jatyr", - dedi amerikalyq sheneýnik.
