مەرەكەلىك شارانى قۇتتىقتاۋ سوزىمەن اشقان ۋنيۆەرسيتەت ءبىرىنشى پرورەكتورى ماقتاعالي بەكتەمەسوۆ بارشا قاتىسۋشىلاردى جىلدىڭ جارقىن مەرەكەسىمەن قۇتتىقتاپ، كىرىپ كەلگەن جاڭا 2018 جىل جاڭا باستامالار مەن مەن جاڭا جەتىستىكتەر جىلى بولسىن دەپ تىلەك ءبىلدىردى.
جىل بويى ۋنيۆەرسيتەتىمىزدىڭ مادەني ءىس-شارالارىندا، وقۋدا جانە سپورتتا بەلسەندىلىگىمەن ەرەكشەلەنگەن جىلدىڭ ۇزدىك ستۋدەنتتەرى «UNIVERSAL STUDENT»، «جىل سپورتشىسى»، «جىل ءانشىسى»، «جىل پىكىر سايىسشىسى»، «جىل ەرىكتىسى»، «جىل اقىنى»، «جىل بەلسەندىسى»، «CREATIVE STUDENTS»، «جىل ونەرپازى»، «INTERNATIONAL STUDENT» سىندى ارنايى نومينسيالارمەن جانە قارجىلاي سىياقىمەن ماراپاتتالدى. سونىمەن قاتار ۋنيۆەرسيتەتىمىزدە بەلسەندىلىگىمەن جانە شىعارماشىلىق قابىلەتتىلىگىمەن ەرەكشەلەنگەن 12 ستۋدەنت ۋنيۆەرسيتەت رەكتورىنىڭ قۇرمەت گراموتاسىمەن جانە 15 ءبىلىم الۋشى العىس حاتپەن ماراپاتتالسا، ۋنيۆەرسيتەتىمىزدىڭ 90 جىلدىعىنا وراي ۇيىمداستىرىلعان «مەنىڭ ۋنيۆەرستەتىم» اتتى شىعارماشىلىق بايقاۋىنىڭ ۇزدىك دەپ تانىلعان بىرنەشە ستۋدەنتى «ۇزدىك ەسسە»، «ۇزدىك لوگوتيپ» جانە «ۇزدىك الەۋمەتتىك جوبا» نوميسيالارىمەن جانە قارجىلاي سىياقىمەن ماراپاتتالدى.
ودان ءارى مەرەكەلىك شارا ۋنيۆەرسيتەت ونەرپازدارىنىڭ كونسەرتتىك باعدارلاماسىمەن جالعاستى. كونسەرتتىك باعدارلاما بارىسىندا ارنايى دايىندالعان ستۋدەنتتەر توبى بالدىق ۆالس بيلەپ كەشتىڭ كوركىن قىزدىرا ءتۇستى. ۋنيۆەرسيتەتىمىزدىڭ ابىرويىن رەسپۋبليكا كولەمىندە تانىتىپ جۇرگەن «اپورت» جايدارمان توبى كورەرمەندەرگە ساپالى ازىلدەرى ارقىلى كوتەرىڭكى كوڭىل-كۇي سىيلاسا، «دارا» بي توبى كەشكە جينالعان ستۋدەنتتەرمەن فلەشموب بيلەدى. كەش سوڭى بارلىق قاتىسۋشىلاردىڭ بي كەشىنە ۇلاستى.
تاربيە، الەۋمەتتىك جۇمىستار جانە جاستارساياساتىجونىندەگى دەپارتامەنت
