Merekelik sharany quttyqtaý sózimen ashqan ýnıversıtet birinshi prorektory Maqtaǵalı Bektemesov barsha qatysýshylardy jyldyń jarqyn merekesimen quttyqtap, kirip kelgen jańa 2018 jyl jańa bastamalar men men jańa jetistikter jyly bolsyn dep tilek bildirdi.
Jyl boıy ýnıversıtetimizdiń mádenı is-sharalarynda, oqýda jáne sportta belsendiligimen erekshelengen jyldyń úzdik stýdentteri «UNIVERSAL STUDENT», «Jyl sportshysy», «Jyl ánshisi», «Jyl pikir saıysshysy», «Jyl eriktisi», «Jyl aqyny», «Jyl belsendisi», «CREATIVE STUDENTS», «Jyl ónerpazy», «INTERNATIONAL STUDENT» syndy arnaıy nomınsıalarmen jáne qarjylaı syıaqymen marapattaldy. Sonymen qatar ýnıversıtetimizde belsendiligimen jáne shyǵarmashylyq qabilettiligimen erekshelengen 12 stýdent ýnıversıtet rektorynyń qurmet gramotasymen jáne 15 bilim alýshy alǵys hatpen marapattalsa, ýnıversıtetimizdiń 90 jyldyǵyna oraı uıymdastyrylǵan «Meniń ýnıverstetim» atty shyǵarmashylyq baıqaýynyń úzdik dep tanylǵan birneshe stýdenti «Úzdik esse», «Úzdik logotıp» jáne «Úzdik áleýmettik joba» nomısıalarymen jáne qarjylaı syıaqymen marapattaldy.
Odan ári merekelik shara ýnıversıtet ónerpazdarynyń konserttik baǵdarlamasymen jalǵasty. Konserttik baǵdarlama barysynda arnaıy daıyndalǵan stýdentter toby baldyq váls bılep keshtiń kórkin qyzdyra tústi. Ýnıversıtetimizdiń abyroıyn respýblıka kóleminde tanytyp júrgen «Aport» jaıdarman toby kórermenderge sapaly ázilderi arqyly kóterińki kóńil-kúı syılasa, «Dara» bı toby keshke jınalǵan stýdenttermen fleshmob bıledi. Kesh sońy barlyq qatysýshylardyń bı keshine ulasty.
Tárbıe, áleýmettik jumystar jáne jastarsaıasatyjónindegi departament
