قاراعاندى وبلىسىندا ءبىر تۇرعىن ينتەرنەت-پلاتفورمادا قوعامدىق پىكىرگە زاڭسىز ساۋالناما جۇرگىزىپ، ۇگىت-ناسيحات جاساعانى ءۇشىن جاۋاپكەرشىلىككە تارتىلدى، دەپ حابارلايدى Dalanews.kz.
بۇل تۋرالى ورتالىق كوممۋنيكاسيالار قىزمەتى الاڭىندا باس پروكۋراتۋرانىڭ قوعامدىق مۇددەلەردى قورعاۋ قىزمەتى باسقارماسىنىڭ باستىعى بەكجان كارامانوۆ مالىمدەدى.
جەلى قولدانۋشىسى كىناسىن مويىنداپ، جاريالاعان كونتەنتىن وشىرگەن.
«وسىعان بايلانىستى ايىپپۇل قىسقارتىلعان تارتىپپەن سالىندى. نازار اۋدارعىم كەلەدى، پروكۋراتۋرا ورگاندارى ۇقساس جاعدايلاردى دا تىركەپ وتىر، سونىڭ ىشىندە ونلاين-پلاتفورمالارعا بيۋللەتەندەردىڭ فوتوسۋرەتتەرىن جاريالاۋ فاكتىلەرى بار. ەگەر بۇل ارەكەتتەردە قۇقىقبۇزۋشىلىق قۇرامى بار ەكەنى راستالسا، زاڭدا كوزدەلگەن شارالار قابىلدانادى»، – دەدى كارامانوۆ.
