قوستانايدا قىزعانىشتان بۇرىنعى ەيەلٸن اتىپ ٶلتٸرگەن ەر ادامعا سوت ٷكٸمٸ شىقتى, دەپ حابارلايدى dalanews.kz.
قايعىلى وقيعا بيىل ناۋرىز ايىندا بولعان. تەرگەۋ دەرەگٸنشە, ەر ادام قىزعانىش سالدارىنان اڭشىلىق مىلتىقپەن اجىراسىپ كەتكەن ەيەلٸنٸڭ باسى مەن كەۋدە تۇسىن كٶزدەپ, ەكٸ رەت وق اتقان.
اۋىر جاراقات العان ەيەل وقيعا ورنىندا كٶز جۇمدى. قىلمىس جاساعاننان كەيٸن ەر ادام سول جەردەن كەتٸپ قالعان. كەيٸن ول پوليتسيياعا ٶز ەركٸمەن بارىپ, كٸنەسٸن مويىنداعان.
سوت ەر ادامدى كٸنەلٸ دەپ تانىپ, 12 جىلعا باس بوستاندىعىنان ايىردى. ول جازاسىن قىلمىستىق-اتقارۋ جٷيەسٸنٸڭ ورتاشا قاۋٸپسٸزدٸك مەكەمەسٸندە ٶتەيدٸ.
