پاراشيۋتشٸنٸڭ بۇل ەرەكەتٸ جينالعان جۇرت ٷشٸن كٷتپەگەن جاعداي بولدى. ٸلە اۋدانىنىڭ تۇرعىندارى سپورتشىنىڭ ۇشاقتان جەرگە قۇلديلاعان سەتٸن قىزىعا تاماشالادى. ول داۋىس بەرۋ ورنىنا دەل قوندى. بۇل ەرەكشە اكتسييانى جٷزەگە اسىرعان – زاپاستاعى وفيتسەر, پاراشيۋتتٸك دايىندىق بٶلٸمٸنٸڭ كومانديرٸ, تاندەم-نۇسقاۋشى تيموفەي مەركۋلوۆ, دەپ حابارلايدى dalanews.kz.
ول – مىسىرداعى پيراميدالاردىڭ ماڭىنا قونعان العاشقى قازاقستاندىق سپورتشى. سونداي-اق ەلبرۋس تاۋىنا سەكٸرٸپ, اقش اسپانىندا ٶتكەن 100-way حالىقارالىق ەۋە فورماتسيياسىنا قاتىسقان. ونىڭ ەنشٸسٸندە ەرتٷرلٸ ٷلگٸدەگٸ پاراشيۋتتەرمەن جاساعان 1 700-دەن استام سەكٸرۋ بار.
«جاقىندا ٶڭٸردە اۆياتسييا مەن پاراشيۋت سپورتىن ناسيحاتتايتىن تاماشا اۆياتسييالىق فەستيۆال ٶتتٸ. بۇل حالىقتىڭ اۆياتسييا مەن پاراشيۋت سپورتىنا قىزىعۋشىلىعى جوعارى ەكەنٸن كٶرسەتتٸ. بٷگٸن ونى ەرٸ قاراي جالعاستىرىپ, سايلاۋ ۋچاسكەسٸنە سەكٸرۋدٸ ۇيعاردىق. وسى ارقىلى اۆياتسييا مەن پاراشيۋت سپورتىنا, سونداي-اق ەل ٷشٸن ماڭىزدى وقيعا – قۇرىلتاي سايلاۋىنا كٶپشٸلٸك نازارىن اۋدارعىمىز كەلدٸ. مەن ٷشٸن داۋىس بەرۋ – اسپاندا قابىلداناتىن ەربٸر شەشٸممەن تەڭ جاۋاپتى مٸندەت ەرٸ ازاماتتىق بورىش», – دەدٸ تيموفەي مەركۋلوۆ.
بۇل جايت تۇرعىندار ٷشٸن ەستە قالارلىق سەتكە اينالدى. مۇنى كٶرگەن كٶپشٸلٸك ماڭىزدى كٷننٸڭ مەنٸن تٷسٸنٸپ, سايلاۋ ۋچاسكەلەرٸنە اعىلدى. ەرينە, ولار ەكسترەمالدى تريۋكتەر جاساعان جوق, دەگەنمەن بەرٸ سايلاۋدا ٶز تاڭداۋىن جاسادى. وسىلايشا, ٸلە اۋدانىنداعى دەستٷرلٸ داۋىس بەرۋ ەرەكشە وقيعامەن تولىقتى.
