تٷركپا حالىقارالىق باقىلاۋشىلار ميسسيياسى قازاقستانداعى قۇرىلتاي دەپۋتاتتارىنىڭ سايلاۋى بٸرقالىپتى ەرٸ ۇيىمداسقان جاعدايدا ٶتكەنٸن مەلٸمدەدٸ. باقىلاۋشىلار سايلاۋ بارىسىنىڭ اشىقتىعىن, بارلىق ساناتتاعى ازاماتتاردىڭ داۋىس بەرۋگە جاسالعان جاعدايدى جەنە جاستاردىڭ بەلسەندٸلٸگٸن ەرەكشە اتاپ ٶتتٸ, دەپ حابارلايدى dalanews.kz.
سايلاۋدى باقىلاۋ قورىتىندىسىن تٷركٸ مەملەكەتتەرٸ پارلامەنتتٸك اسسامبلەياسى (تمپا) ميسسيياسىنىڭ باسشىسى وسمان مەستەن تانىستىردى.
ونىڭ ايتۋىنشا, ميسسييا مٷشەلەرٸ قازاقستاننىڭ سايلاۋ زاڭناماسى مەن وعان ەنگٸزٸلگەن ٶزگەرٸستەردٸ, سايلاۋشىلار مەن كانديداتتاردى تٸركەۋ تەرتٸبٸن, سايلاۋالدى ناۋقاننىڭ ٶتۋ بارىسىن, سونداي-اق سايلاۋدى باقىلاۋدى ۇيىمداستىرۋ تەرتٸبٸن زەردەلەگەن.
وسمان مەستەن بيىلعى سايلاۋ ناۋقانىنىڭ ەلدٸڭ ساياسي دامۋ جولىنداعى ايرىقشا ماڭىزىنا دا توقتالدى. 23 تامىزدا ٶتكەن سايلاۋ قازاقستان بٸر پالاتالى قۇرىلتاي جٷيەسٸنە كٶشكەننەن كەيٸنگٸ العاشقى پارلامەنتتٸك سايلاۋ بولدى.
«ميسسييا سايلاۋ ورگاندارىنىڭ ناۋقانعا دايىندىعىن جەنە ونى ٶتكٸزۋ جۇمىستارىن, سونىڭ ٸشٸندە سايلاۋدى قامتاماسىز ەتەتٸن ازاماتتاردى وقىتۋ مەن حالىقتى اقپاراتتاندىرۋ شارالارىن وڭ باعالايدى. بٸز بارعان سايلاۋ ۋچاسكەلەرٸندە داۋىس بەرۋ ۇيىمداسقان تٷردە ٶتتٸ. سايلاۋشىلار ٶز تاڭداۋىن ەركٸن جاساپ, داۋىس بەرۋ قۇقىعىن ەش كەدەرگٸسٸز جٷزەگە اسىرا الدى», – دەدٸ مەستەن.
داۋىس بەرۋ كٷنٸ تٷركپا ٶكٸلدەرٸ استانا مەن الماتىداعى سايلاۋ ۋچاسكەلەرٸن ارالىپ, ولاردىڭ اشىلۋىنان باستاپ داۋىستى ساناۋ پروتسەسٸنە دەيٸن باقىلاعان.
ميسسييا مٷمكٸندٸگٸ شەكتەۋلٸ ازاماتتاردىڭ داۋىس بەرۋٸنە جاسالعان جاعدايعا دا ەرەكشە نازار اۋداردى. باقىلاۋشىلار سايلاۋ ۋچاسكەلەرٸندە پاندۋستار, برايل قارپٸندەگٸ ارنايى ٷلگٸلەر, سونداي-اق كٶرۋ جەنە ەستۋ قابٸلەتٸ شەكتەۋلٸ ازاماتتارعا ارنالعان كٶمەكشٸ قۇرالدار قاراستىرىلعانىن اتاپ ٶتتٸ. ورتالىق سايلاۋ كوميسسيياسىنىڭ اقپاراتتىق ماتەريالدارى مەن وتىرىستارى دا ىمداۋ تٸلٸنە اۋدارىلعان.
تٷركپا-نىڭ قورشاعان ورتا, تابيعي رەسۋرستار جەنە دەنساۋلىق ساقتاۋ كوميسسيياسىنىڭ مٷشەسٸ ماحمۇت ٶزەر قازاقستانداعى سايلاۋدى باسقا ەلدەردەگٸ سايلاۋ پروتسەستەرٸمەن سالىستىرا وتىرىپ, ەكٸ ەرەكشەلٸككە باسا نازار اۋداردى.
بٸرٸنشٸسٸ – بارلىق ازاماتتىڭ داۋىس بەرۋ قۇقىعىن جٷزەگە اسىرۋىنا مٷمكٸندٸكتٸڭ بەرٸلۋٸ. مەسەلەن, دەنساۋلىعىنا بايلانىستى سايلاۋ ۋچاسكەسٸنە بارا المايتىن ازاماتتار مەن شەتەلدە جٷرگەن قازاقستاندىقتاردىڭ دا داۋىس بەرۋٸنە تولىق جاعداي قاراستىرىلعان. ەكٸنشٸسٸ – قازاقستاننىڭ حالىقارالىق باقىلاۋشىلار ٷشٸن اشىق بولۋى.
«داۋىس بەرۋ بارىنشا اشىق ٶتٸپ, حالىقارالىق بايقاۋشىلار ٷشٸن سايلاۋ بارىسىن باقىلاۋعا بارلىق جاعداي جاسالدى», – دەپ تٷيٸندەدٸ ٶزەر.
