اۋداندا قۇرىلىس سالاسى بويىنشا ۇستىمىزدەگى جىلى بارلىعى 68 نىسان قۇرىلىستارىنىڭ 421،6 ملن تەڭگە قارجىعا جوبالىق سمەتالىق قۇجاتى (جسق) ازىرلەنىپ، ونىڭ ىشىندە جىل باسىنان بەرى 29 نىساننىڭ قۇجاتتارى تولىق ازىرلەنىپ ساراپتامادان وتكەنىن ايتا كەتۋىمىز كەەرك. 2018 جىل سوڭىنا دەيىن 5 نىساننىڭ قۇجاتتارى ازىرلەنىپ، قالعان 34 نىسانى 2019 جىلدىڭ ەنشىسىنە قالىپ وتىر.
2018 جىلى جالپى قۇنى 15579،0 ملن تەڭگەنى قۇرايتىن 24 نىساننىڭ قۇرىلىسى جۇرگىزىلدى. سونىڭ ىشىندە 17 نىساننىڭ قۇرىلىس جۇمىستارى 2019 جىلى جالعاسىپ، اياقتالاتىن بولادى. ولار ءبىلىم سالاسى بويىنشا 5 نىسان، تابيعي گازبەن قامتۋ 2 نىسان، ساپالى ەلەكتر قۋاتىمەن قامتۋ 9 نىسان، اۋىز سۋمەن قامتۋ 8 نىسان ەكەنىن ايتا كەتۋىمىز كەرەك.
تابيعي گازبەن قامتۋ بويىنشا اۋداننىڭ 83 ەلدى مەكەندەرى ىشىندە تابيعي گازبەن 38 ەلدى مەكەنى (11561 ابونەنت) قامتىلعان نەمەسە 56،7 پايىز. جىل سوڭىنا دەيىن گازاداندىرلعان اۋىلداردىڭ سانى 46 ەلدى مەكەنگە (16133 ابونەنت) جەتەدى دەپ كۇتىلۋدە. ال 2019 جىلى 52 ەلدى مەكەندى (17522 ابونەنت) تابيعي گازبەن قامتىپ، كورسەتكىشتى 86،3 پايىزعا جەتكىزۋ كوزدەلىنگەن.
اۋىز سۋمەن قامتۋ بويىنشا بارلىق 83 ەلدى مەكەننىڭ قۇبىر سۋمەن قامتىلعانى 40 ەلدى مەكەن (11492 ابونەنت) نەمەسە 63،5 پايىزدى قۇرايدى. 2019 جىلى 48 ەلدى مەكەندى (18144 ابونەنت) اۋىز سۋمەن قامتۋ نەمەسە 72،4 پايىزعا جەتۋ كوزدەلۋدە.
ساپالى ەلەكتر قۋاتىمەن قامتۋ بويىنشا اۋداندا بۇگىنگى كۇنگە 40 ەلدى مەكەندى قۇراپ، قامتۋ ۇلەسى 48،2 پايىز. اعىمداعى جىلدىڭ سوڭىنا دەيىن 46 ەلدى مەكەنگە نەمەسە 55،4 پايىزعا جەتەدى. ولار – جامبىل اۋىلدىق وكرۋگىنىڭ كوپقۇدىق، بايعابىل، بەكبوتا، اششىكول، قالعانسىر جانە مايدابوزاي ەلدى مەكەندەرى.
Dalanews.kz
