وسىعان بايلانىستى، اتىراۋ وبلىسىندا سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى سىبايلاس جەمقورلىققا قارسى ءىس-قيمىل تۋرالى زاڭناماعا ەنگىزىلگەن ءبىرقاتار وزگەرىستەردى ءتۇسىندىرۋ ماقساتىندا پوليسيا دەپارتامەنتىنىڭ جەكە قۇرامىمەن كەزدەستى،– دەپ حابارلايدى Dalanews.kz.
– قۇقىق قورعاۋ ورگاندارىنىڭ قىزمەتكەرلەرى مەن سۋديالار ءۇشىن سىبايلاس جەمقورلىق ءۇشىن جازا كۇشەيتىلدى. قۇقىق قورعاۋ ورگاندارىنىڭ قىزمەتكەرلەرى مەن سۋديالارعا ەرەكشە وكىلەتتىكتەر بەرىلگەن جانە ولاردىڭ قىلمىس جاساۋى قوعامدىق ءقاۋىپتىڭ جوعارىلاۋىمەن سيپاتتالادى. وسىعان بايلانىستى ولاردىڭ نەعۇرلىم قاتاڭ جازا الۋى زاڭدى، – دەپ اتاپ ءوتتى اگەنتتىك ءتوراعاسىنىڭ كەڭەسشىسى جازيرا جىلقىشييەۆا.
– بيلىك وكىلدەرى رەتىندە ارەكەت ەتە وتىرىپ، قۇقىق قورعاۋ ورگاندارى قىزمەتكەرلەرى ازاماتتار مەن ادامداردىڭ قورعاۋشىسى جانە كومەكشىسى بولۋعا مىندەتتى. سوندىقتان ءىىو-نىڭ ءاربىر قىزمەتكەرى ءوزىنىڭ جەكە قاسيەتتەرى مەن مىنەز-قۇلىق مانەرىمەن سىبايلاس جەمقورلىق كورىنىستەرىنە توزبەۋشىلىك تانىتۋى ءتيىس. ءسىز قوعامداعى قىلمىسكەرلەرگە قالاي قارايتىندىعىن بىلەسىز، ال قۇقىق قورعاۋشى – جەمقورلار ەكى ەسە جەك كورىلەدى. سىزگە ۇلكەن جاۋاپكەرشىلىك جۇكتەلگەن جانە بۇل تۋرالى ءبىر ساتكە دە ۇمىتۋعا بولمايدى، – دەپ قورىتىندىلادى قوعام قايراتكەرى سادىبەك تۇگەل.
ءوز كەزەگىندە پوليسيا دەپارتامەنتىنىڭ باسشىلىعى سىبايلاس جەمقورلىققا قارسى جۇمىستى ۇيىمداستىرۋ تاسىلدەرىن تۇبەگەيلى وزگەرتۋ بويىنشا كەشەندى شارالار قابىلدانعانىن حابارلادى.
