كاسىپكەر كەڭەس راقىشيەۆ پەن شۋحرات يبراگيموۆ "شۇباركول پرەميۋم" كومپانياسىنىڭ 10 پايىز ۇلەسىن ساتىپ الدى. بۇل كومپانيانى بىرنەشە يەسى ءبولىپ باسقارىپ وتىرعان، ونىڭ ىشىندە تيمۋر قۇلىبايەۆ تا بار، - دەپ حابارلايدى Dalanews.kz Forbes-قا سىلتەپ.
اكسيونەرلەر قۇرامىنداعى وزگەرىس 13 قىركۇيەكتە بولعان. كومپانيا يەلەرى تىزىمىنەن ءۇش ادام شىعارىلعان. ءبىرىنشىسى Joint Resources اق - تيمۋر قۇلىبايەۆتىڭ كومپانياسى، ول 67 پايىز اكسيانىڭ يەسى بولعان. ەكىنشىسى Joint Resources ج ش س - قۇلىبايەۆتاردىڭ سەرىكتەسى راۋشان ساگدييەۆانىڭ كومپانياسى جانە Trans Coal Investment Group ج ش س.
كومپانيا باسشىلىعى نە ءۇشىن اۋىسقانى جانە ورنىنا راقىشيەۆ پەن يبراگيموۆ نە ءۇشىن كەلگەنى ازىرگە بەلگىسىز.
"شۇباركول پرەميۋم" - كومىر ءوندىرۋشى كومپانيا، قاراعاندى وبلىسىنداعى شۇباركول كەن ورنىندا ورنالاسقان.
ايتا كەتەيىك، فوربس دەرەكتەرى بويىنشا، كەڭەس راقىشيەۆ 75 ەڭ باي قازاقستاندىقتىڭ ىشىندە 19-ورىندا.
