بەلگٸلٸ ادۆوكات عالىم نۇرپەيٸسوۆ قۋاندىق بيشٸمباەۆ قاراپايىم كولونييادا وتىرمايتىنىن, وعان بارلىق جاعداي جاسالاتىنىن ايتتى, - دەپ حابارلايدى Dalanews.kz.
ادۆوكات عالىم نۇرپەيٸسوۆ بيشٸمباەۆ بۇعان دەيٸن مينيستر قىزمەتٸن اتقارعانىن, ال مۇنداي قىزمەتتە بولعاندار مەملەكەتتٸك قۇپييانى بٸلەتٸنٸن اتاپ ٶتتٸ.
"سوندىقتان, مەنٸڭ ويىمشا, بيشٸمباەۆتى قاراپايىم كولونيياعا جٸبەرمەيدٸ. قازاقستاندا بۇرىنعى مەملەكەتتٸك قىزمەتكەرلەرگە ارنالعان كولونييالار بار. بٸزدە قاڭتار وقيعاسىنان كەيٸن جازاسىن ٶتەپ جاتقان لاۋازىمدى قىزمەتتە بولعان ادامدار كٶپ قوي", - دەيدٸ عالىم نۇرپەيٸسوۆ AIRAN مەدياسىنا بەرگەن سۇحباتىندا.
ال "بٸز بٸرگەمٸز" ورتالىعىنىڭ باسشىسى ۆاديم كۋرامشيننٸڭ ايتۋىنشا, بيشٸمباەۆ سەكٸلدٸ ادامدارعا قاراپايىم سوتتالۋشىلارعا قاراعاندا جاقسى, جايلى جاعداي جاسالادى.
"مەنٸڭ ويىمشا, بيشٸمباەۆ تٷرمەگە كەلە سالا وعان جىلى, جۇمساق جەر دايىن تۇرادى. تٷرمەدە سوتتالۋشىلار قاراپايىم قىزمەتكەر بولىپ جۇمىس ٸستەپ, اقشا تاۋىپ جٷرسە, ول بريگادير بولادى. سول جەردە تۇرىپ, بارلىق جاعدايى جاسالادى. ول بوستاندىقتا جٷرگەن كەزٸندەي-اق تاماقتانادى, ماتەريالدىق جاعدايىنىڭ ارقاسىندا قالاعان ادامىمەن كەزدەسەدٸ. اتا-اناسى جاسى كەلگەن كٸسٸلەر ەكەنٸن ەسكەرٸپ, ولارمەن كٶپ كەزدەسپەۋٸ مٷمكٸن. بٸراق "يۋلييا سۋپەرمەن" كەزدەسە الادى. مۇنداي ۆيپ-جاعدايدىڭ قۇنى سوتتالۋشىنىڭ ٶزٸنە بايلانىستى. بٸراق تٷرمە ەكٸمشٸلٸگٸ بيشٸمباەۆتان اقشانى قىسىپ تۇرىپ كٶپتەپ شىعارىپ الادى دەپ ويلايمىن", - دەيدٸ ۆاديم كۋرامشين.
ول بيشٸمباەۆ شەتەلگە كەتٸپ قالۋى مٷمكٸن دەگەن ويمەن كەلٸسپەيتٸنٸن ايتتى.
ەسكە سالايىق, 13 مامىردا اتىشۋلى بيشٸمباەۆ ٸسٸنە قاتىستى سوت ٷٸمٸ شىققان بولاتىن. ەيەلٸن ۇرىپ ٶلتٸردٸ دەگەن كٷدٸككە ٸلٸنگەن قۋاندىق بيشٸمباەۆ 24 جىلعا سوتتالسا, قىلمىستى جاسىرىپ قالدى دەگەن كٷدٸككە ٸلٸنگەن ٸنٸسٸ 4 جىلعا باس بوستاندىعىنان ايىرىلدى.
