Belgili advokat Ǵalym Nurpeiisov Qýandyq Bishimbaev qarapaiym koloniiada otyrmaitynyn, oǵan barlyq jaǵdai jasalatynyn aitty, - dep habarlaidy Dalanews.kz.
Advokat Ǵalym Nurpeiisov Bishimbaev buǵan deiin ministr qyzmetin atqarǵanyn, al mundai qyzmette bolǵandar memlekettik qupiiany biletinin atap ótti.
"Sondyqtan, meniń oiymsha, Bishimbaevty qarapaiym koloniiaǵa jibermeidi. Qazaqstanda burynǵy memlekettik qyzmetkerlerge arnalǵan koloniialar bar. Bizde Qańtar oqiǵasynan keiin jazasyn ótep jatqan laýazymdy qyzmette bolǵan adamdar kóp qoi", - deidi Ǵalym Nurpeiisov AIRAN mediasyna bergen suhbatynda.
Al "Biz birgemiz" ortalyǵynyń basshysy Vadim Kýramshinniń aitýynsha, Bishimbaev sekildi adamdarǵa qarapaiym sottalýshylarǵa qaraǵanda jaqsy, jaily jaǵdai jasalady.
"Meniń oiymsha, Bishimbaev túrmege kele sala oǵan jyly, jumsaq jer daiyn turady. Túrmede sottalýshylar qarapaiym qyzmetker bolyp jumys istep, aqsha taýyp júrse, ol brigadir bolady. Sol jerde turyp, barlyq jaǵdaiy jasalady. Ol bostandyqta júrgen kezindei-aq tamaqtanady, materialdyq jaǵdaiynyń arqasynda qalaǵan adamymen kezdesedi. Ata-anasy jasy kelgen kisiler ekenin eskerip, olarmen kóp kezdespeýi múmkin. Biraq "Iýliia sýpermen" kezdese alady. Mundai vip-jaǵdaidyń quny sottalýshynyń ózine bailanysty. Biraq túrme ákimshiligi Bishimbaevtan aqshany qysyp turyp kóptep shyǵaryp alady dep oilaimyn", - deidi Vadim Kýramshin.
Ol Bishimbaev shetelge ketip qalýy múmkin degen oimen kelispeitinin aitty.
Eske salaiyq, 13 mamyrda atyshýly Bishimbaev isine qatysty sot úimi shyqqan bolatyn. Áielin uryp óltirdi degen kúdikke ilingen Qýandyq Bishimbaev 24 jylǵa sottalsa, qylmysty jasyryp qaldy degen kúdikke ilingen inisi 4 jylǵa bas bostandyǵynan aiyryldy.
