پرەمەر-مينيستردٸڭ ورىنباسارى ەرمەك كٶشەرباەۆ قوستاناي وبلىسىنا جۇمىس ساپارى بارىسىندا بيزنەستٸڭ ەلەۋمەتتٸك باستامالارىمەن تانىسىپ, سونىڭ ٸشٸندە قازاقستاندىق Allur اۆتوموبيل كومپانيياسى سالىپ جاتقان Allur Campus جوباسىن كٶرٸپ قايتتى, دەپ حابارلايدى Dalanews.kz.
جالپى اۋدانى 13,5 مىڭ شارشى مەتردەن اساتىن توعىز قاباتتى كٸرپٸش عيماراتتا 300 ادامعا جاعداي جاسالعان. ٸشٸندە 71 وتباسىلىق بٶلمە, 60 ستۋدەنتتٸك بٶلمە جەنە 20 قوناققا ارنالعان ۋاقىتشا تۇرۋ ورنى قاراستىرىلعان. بارلىق تۇرعىن بلوكتار جەكە اس ٷيمەن, جۋىناتىن بٶلمەمەن جەنە دەمالىس ورىندارىمەن جابدىقتالعان. بۇعان قوسا, كامپۋستا مەديتسينالىق پۋنكت, كٸتاپحانا, كومپيۋتەرلٸك سىنىپ, جاتتىعۋ زالى مەن كٸر جۋاتىن بٶلمەلەر قىزمەت كٶرسەتەدٸ.
نىساننىڭ قۇرىلىسى 2023 جىلى باستالىپ, بيىل تامىز ايىندا پايدالانۋعا بەرٸلەدٸ دەپ جوسپارلانۋدا. بٷگٸنگە دەيٸن جوباعا تارتىلعان ينۆەستيتسييا كٶلەمٸ 2,1 ملرد تەڭگەدەن اسقان. جوبا تولىعىمەن Allur كومپانيياسىنىڭ ٶز قارجىسىنا جٷزەگە اسىرىلىپ جاتىر.
Allur Campus – ٶڭٸردەگٸ ەلەۋمەتتٸك ينفراقۇرىلىمنىڭ ماڭىزدى بٶلٸگٸ. جوبا جاستارعا ساپالى ٶمٸر سٷرۋگە, بٸلٸم الىپ, كەسٸبي تۇرعىدا دامۋىنا قولايلى جاعداي جاساۋعا باعىتتالعان. سونداي-اق, بۇل كەشەن قوستانايداعى اۆتوكومپونەنتتەر مەن تەحنيكا ٶندٸرٸسٸ شوعىرلانعان ٶنەركەسٸپتٸك كلاستەردٸڭ اجىراماس بٶلٸگٸنە اينالماق. وسىلايشا, جاس ماماندار ٷشٸن جۇمىس ورنىمەن قاتار, ٶمٸر سٷرۋگە قولايلى ورتا قالىپتاسادى.
“مۇنداي جوبالار يندۋستريالدى نىسانداردىڭ اينالاسىندا قالىپتاساتىن جاڭا ٶمٸر ٷلگٸسٸنە جول اشاتىن قۋاتتى ەلەۋمەتتٸك يمپۋلس. پرەزيدەنت جارييالاعان جۇمىسشى ماماندىقتار جىلىنىڭ اياسىندا بۇل باستامالاردىڭ ماڭىزى ەرەكشە. بٸلٸكتٸ ەرٸ ىنتالى كادرلارسىز بەسەكەگە قابٸلەتتٸ ەكونوميكا قۇرۋ مٷمكٸن ەمەس. وسى كەشەن سيياقتى جوبالار جاس مامانداردىڭ كەسٸبي ەڭبەك جولىن تاڭداۋىنا ىقپال ەتەتٸن لايىقتى, زاماناۋي ەرٸ تارتىمدى ورتا قالىپتاستىرادى”, – دەپ اتاپ ٶتتٸ ۆيتسە-پرەمەر ەرمەك كٶشەرباەۆ.
جوبانىڭ اۋقىمى الداعى ۋاقىتتا كەڭەيە تٷسپەك. ەكٸنشٸ كەزەڭدە 260 ورىندىق بالاباقشا مەن فۋتبول جەنە باسكەتبول الاڭدارى, جٷگٸرۋ جولدارى, ۆوركاۋت الاڭدارى, ٷستەل تەننيسٸنە ارنالعان ورىندار قامتىلعان سپورت كەشەنٸن سالۋ جوسپارلانىپ وتىر.
وسىنداي ٸرٸ ەلەۋمەتتٸك باستامالار ايماقتاردى دامىتۋدىڭ جاڭا ٷلگٸسٸن كٶرسەتەدٸ. بۇل ٸرٸ بيزنەستٸڭ ٶندٸرٸستٸك قۋاتتاردى عانا ەمەس, سونىمەن بٸرگە قىزمەتكەرلەرٸ مەن بولاشاق مامانداردىڭ تۇرمىس ساپاسىن جاقسارتۋعا ينۆەستيتسييا سالاتىندىعىنىڭ ناقتى كٶرٸنٸسٸ.
