7 قازان كٷنٸ الماتى قالاسىنىڭ مەدەۋ اۋداندىق №2 سوتىندا “AV Construction” جشس-نە قاتىستى الاياقتىق پەن ٶكٸلەتتٸگٸن تەرٸس پايدالانۋ ٸسٸ بويىنشا ايىپتالعان ولگا ابدىعاپپاروۆاعا قاتىستى سوت وتىرىسى جالعاستى. بۇل ٸس قوسپاەۆتىڭ ۇيىمداسقان قىلمىستىق توبىنا بايلانىستى, دەپ حابارلايدى Dalanews.kz.
ابيجانوۆ پەن تانىشەۆتىڭ ادۆوكاتتارى, ولار “AV Construction” جشس اتىنان جەبٸرلەنۋشٸ تاراپتىڭ ٶكٸلدەرٸ رەتٸندە سوتقا قاتىسىپ جاتقاندىقتان, ٶز كليەنتتەرٸمەن بٸرگە بٸرنەشە ٶتٸنٸش بٸلدٸردٸ.
ابيجانوۆتىڭ قورعاۋشىسى احمەدجانوۆ ٶز كليەنتٸن جەبٸرلەنۋشٸ رەتٸندە تانۋدى جەنە ونى وسى ٸستٸڭ ٶكٸلٸ رەتٸندە قاتىستىرۋدى سۇرادى. ال ەكٸنشٸ ادۆوكات اليمباەۆ, ەگەر ٶتٸنٸش قابىلدانباسا, كليەنتٸنٸڭ مەرتەبەسٸنە قاراماستان, ٶزٸن ٶكٸل رەتٸندە تانۋدى ٶتٸندٸ. تانىشەۆتىڭ مٷددەسٸن قورعايتىن ادۆوكات دارىباەۆا دا ٶز سەنٸم بٸلدٸرۋشٸسٸن جەبٸرلەنۋشٸ دەپ تانۋدى سۇرادى. وسىدان كەيٸن سۋديا ابيجانوۆ پەن تانىشەۆتىڭ ٶز ۇستانىمدارىن تىڭدادى.
ابيجانوۆتىڭ ايتۋىنشا, ابدىعاپپاروۆانىڭ ەرەكەتتەرٸ ونىڭ قۇقىقتارىن بۇزعان, ال قارالىپ جاتقان ٷش ەپيزود “AV Construction” جشس-نٸڭ بانكروت بولۋىنا ەكەلۋٸ مٷمكٸن.
"بۇل جاعدايدا مەن جەكە ٶزٸم دە شىعىنعا ۇشىرايمىن", – دەدٸ ول.
تانىشەۆ ونىڭ سٶزٸمەن كەلٸستٸ.
پروكۋرور بۇعان قارسى شىعىپ, ايىپتاۋ اكتٸسٸنە سەيكەس, بۇل ٸس بويىنشا جەبٸرلەنۋشٸ رەتٸندە تەك “AV Construction” كومپانيياسى عانا تانىلعانىن ەسكە سالدى.
"ولار جەبٸرلەنۋشٸ بولا المايدى, ٶيتكەنٸ جەبٸرلەنۋشٸ دەپ زاڭدى تۇلعا عانا تانىلادى", – دەدٸ ايىپتاۋ تارابىنىڭ ٶكٸلٸ.
