رەسەيدىڭ نوۆوكۋزنەسك قالاسىندا جاڭا جىلدىق دەمالىس ۋاقىتىندا 9 ءسابي شەتىنەگەن، دەپ حابارلايدى Dalanews.kz
تەرگەۋشىلەر كەمەروۆ وبلىسىنا قاراستى نوۆوكۋزنەسك قالاسىنداعى №1 پەرزەنتحانادا توعىز نارەستەنىڭ ولىمىنە بايلانىستى قىلمىستىق ءىس قوزعادى. بۇل تۋرالى كۋزباسس بويىنشا تەرگەۋ كوميتەتىنىڭ باسپا ءسوز قىزمەتى حابارلادى.
ۆەدومستۆو مالىمەتىنشە، ءىس رەسەي فەدەراسياسى قىلمىستىق كودەكسىنىڭ 109-بابى 3-بولىگى (ابايسىزدا ادام ولىمىنە اكەپ سوقتىرۋ) جانە 293-بابى 3-بولىگى (سالعىرتتىق) بويىنشا تىركەلگەن.
ءقازىر وقيعانىڭ بارلىق ءمان-جايى انىقتالىپ، كىنالى تۇلعالاردى بەلگىلەۋ ءۇشىن تەرگەۋ امالدارى جۇرگىزىلىپ جاتىر.
