قىزىلوردا قالالىق سوتى وبلىستىق كاسىپكەرلىك جانە ونەركاسىپ باسقارماسىنىڭ باسشىسى دىنمۇحامەد ءابساتتاروۆقا قاتىستى ۇكىم شىعاردى، - دەپ حابارلايدى Dalanews.kz انتيكورعا سىلتەپ.
ول بيزنەس وكىلدەرىنە ۇلىنىڭ وقۋىنا 1،4 ملن تەڭگە سوماسىندا اقى تولەۋ جانە قۇنى 6،8 ملن تەڭگە ديزەل وتىنىن بەرۋ قاجەتتىگى تۋرالى زاڭسىز نۇسقاۋلار بەرۋ ارقىلى لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلدى.
بۇدان باسقا، شەنەۋنىك ءوڭىر كاسىپورىندارىنىڭ سۇيىتىلعان گازدىڭ ءتيىستى كولەمىن الۋ قۇقىعىن شەكتەۋ ارقىلى بيزنەس سۋبەكتىلەرىنە 26،9 ملن تەڭگە سوماسىندا زالال كەلتىرە وتىرا زاڭدى كاسىپكەرلىك قىزمەتپەن اينالىسۋعا كەدەرگى جاساعانى ءۇشىن سوتتالدى.
سوت ۇكىمىمەن ءابساتتاروۆقا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 9 اي باس بوستاندىعىنان ايىرۋ تۇرىندەگى جازا تاعايىندالدى، سونداي – اق مەملەكەتتىك ناگرادا – «ەرەن ەڭبەگى ءۇشىن» مەدالىنەن ايىرۋ تۋرالى ۇسىنىس ەنگىزىلدى.
ۇكىم زاڭدى كۇشىنە ەندى.
ايتا كەتەيىك، دىنمۇحامەد ءابساتتاروۆ 2020 جىلدىڭ اقپانىنان 2021 جىلدىڭ ساۋىرىنە دەيىن "قورعاس" شەكارا ماڭى ىنتىماقتاستىعى حالىقارالىق ورتالىعىن" باسقارعان.
