پروكۋروردىڭ شاعىمى بويىنشا "قورعاس" شىحو-نىڭ مٷلكٸ قايتارىلدى, - دەپ حابارلايدى Dalanews.kz.
پروكۋراتۋرا ورگاندارىنىڭ تەكسەرۋ شارالارى بويىنشا 2018 جىلى 900 م2-دەن اساتىن "قورعاس" شەكارا ماڭى ىنتىماقتاستىعى حالىقارالىق ورتالىعىنىڭ باگاج تەرمينالى 90 ملن تەڭگەگە ساتىلعانى انىقتادى. كەيٸننەن 2023 جىلى ونىڭ استىنداعى 1,9 گا جەر ۋچاسكەسٸن 500 مىڭ تەڭگەگە ۋاقىتشا پايدالانۋعا قوسىمشا ساتىپ-الۋ شارتى جاسالدى.
الايدا تاراپتار مٷلٸكتٸ ساتۋ ەرەجەلەرٸن ساقتاماعان, مٷلٸكتٸ باعالاۋ بەكٸتٸلگەن ستاندارتتاردى ٶرەسكەل بۇزا وتىرىپ جٷرگٸزٸلگەن. ونىڭ ٷستٸنە جەر تەلٸمٸن يەلٸكتەن شىعارۋ عيمارات ساتىلعان سوڭ 4 جىلدان كەيٸن جٷزەگە اسىرىلعان.
وسىعان بايلانىستى پروكۋرورلار بۇل اكتيۆتەردٸ مەملەكەت مەنشٸگٸنە قايتارۋ ٷشٸن سوتقا جٷگٸندٸ. جەتٸسۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 19 ناۋرىزداعى زاڭدى كٷشٸنە ەنگەن شەشٸمٸمەن تالاپتار قاناعاتتاندىرىلدى, شارتتار جارامسىز دەپ تانىلدى.
