الماتى وبلىسىنىڭ اكىمى مارات سۇلتانعازييەۆ ءىرى تۋريستىك جوبالاردى جۇزەگە اسىرۋ بارىسىندا قونايەۆتا 40 ميلليارد تەڭگەگە اكۆاپارك سالىناتىنىن مالىمدەدى، دەپ حابارلايدى Dalanews.kz.
ايتۋىنشا، اتالعان ورىن جەكە ينۆەستوردىڭ قاراجاتىنا سالىنباق. سوندىقتان بيۋدجەتتەن قارجى ءبولۋ جوسپارلانباعان.
“جوبا اياسىندا تەك اكۆاپارك ەمەس، ءقوناقۇي سالىنىپ، جاعاجاي اۋماعى رەتكە كەلتىرىلەدى. قازىرگى ۋاقىتتا ءتۋريزمدى دامىتۋ ماقساتىندا جاعاجاي مەن وسىعان ۇقساس جەرلەرگە ينۆەستورلار تارتۋ جۇمىستارى جۇرگىزىلىپ جاتىر. اكۆاپارك قونايەۆتا سالىنادى”، – دەدى ول .
اكىمنىڭ سوزىنشە، مەملەكەت قاراجاتى اۋىلداردى جارىقپەن جانە سۋمەن قامتۋعا باعىتتالىپ وتىر.
