«قولجەتٸمدٸ ينتەرنەت» ۇلتتىق جوباسى اياسىندا تٷركٸستان وبلىسىنا قاراستى ەلدٸ مەكەندەردٸ جوعارى جىلدامدىقتى ينتەرنەتپەن قامتۋ ماقساتىندا جول كارتاسى ەزٸرلەنگەن, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وسى رەتتە تٷركٸستان وبلىستىق تسيفرلاندىرۋ, مەملەكەتتٸك قىزمەتتەر كٶرسەتۋ جەنە ارحيۆتەر باسقارماسىنىڭ ىقپالىمەن ٶڭٸردە ينتەرنەت ساپاسىن جاقسارتۋ جەنە ينتەرنەت بازالىق ستانتسيياسىن ورناتۋ جۇمىستارى جٷرگٸزٸلۋدە.
- 2024 جىلعا بايلانىس وپەراتورلارى ٶز قاراجاتى ەسەبٸنەن 132 ەلدٸ مەكەندە بازالىق ستانتسييا ورناتۋ جوسپارلانعان. قازٸرگٸ تاڭدا 21 شالعاي ەلدٸمەكەندە ينتەرنەت بازاسى ٸسكە قوسىلدى. قالعان 111 ەلدٸمەكەنگە انتەننا-ماچتالىق قۇرىلىس جايلارى سالىنىپ, ينتەرنەت بازاسى ورناتىلدى. جىل سوڭىنا دەيٸن تولىق ٸسكە قوسۋ جوسپارلانۋدا. ال مەملەكەتتٸك بيۋدجەت ەسەبٸنەن قوسىمشا 66 اۋىلدىق ەلدٸ مەكەندە انتەننا-ماچتالىق قۇرىلىس جايلارى سالىنۋدا, - دەدٸ باسقارما باسشىسى مارات اينابەكوۆ.
سونداي-اق جىل باسىنان بەرٸ بەيدٸبەك اۋدانى, قازىعۇرت, ماقتاارال, جەتٸساي, ورداباسى, سايرام اۋدانى, تٶلەبي, تٷلكٸباس, ساۋران اۋداندارىنداعى شالعاي اۋىلدارعا ينتەرنەت بازالارى ورناتىلدى.
ايتا كەتەيٸك, «قولجەتٸمدٸ ينتەرنەت» ۇلتتىق جوباسى 2024 جىلدان باستاپ 2027 جىلعا دەيٸن جالعاسادى.
