ەلىمىزدە كوروناۆيرۋستىڭ زاربادىن شاعىن جانە ورتا كاسىپكەرلىك سۋبەكتىلەرى، ونىڭ ىشىندە وتباسىلىق كومپانيالار دا تارتىپ وتىر. قازاقستان وتباسىلىق بيزنەس اسسوسياسياسىنىڭ دەرەگىنشە، قازىرگى ۋاقىتتا قازاقستاندا تىركەلگەن فيرمالاردىڭ 70%-دان استامى – وتباسىلىق كومپانيالار.
جوبا بارىسىندا توپتىق جانە جەكە كونسۋلتاسيالار، ترەنينگتەر، كەزدەسۋلەر، ۆەبينارلار وتكىزىلدى، سونىمەن قاتار بيزنەسكە ارنالىپ جەكە دامۋ جوسپارلارى جاسالدى.
50%-دان استام كاسىپكەرلەر ينتەرنەتكە كوشۋ ماسەلەلەرى، كارانتين مەن تج جاعدايىندا جۇمىس ىستەۋ بويىنشا حابارلاستى. 25% كاسىپكەرلەر بيزنەستى جابۋدى نەمەسە ۋاقىتشا توقتاتۋدى جوسپارلاعان. 95% مەملەكەت تاراپىنان ەشقانداي كومەكتىڭ جوقتىعىن، داعدارىس ۋاقىتىندا جۇمىس جاساۋعا مۇمكىندىكتىڭ از ەكەنىن ايتتى.
99% كاسىپكەرلەر پاندەمياعا بايلانىستى باستالعان ەكونوميكالىق داعدارىستىڭ زاردابىن تارتقان، ولارعا پسيحولوگيالىق جانە مورالدىق كومەك قاجەت بولدى.
ناتيجەسىندە 288 جەكە دامۋ جوسپارى جاسالدى. وندا كاسىپكەرلەر ارتىق شىعىنسىز جۇزەگە اسىرا الاتىن داعدارىسقا قارسى ارەكەتتەر جيناقتالعان. 2000-عا جۋىق بيزنەس بويىنشا ماماندار مەن پسيحولوگتاردىڭ جەكە كونسۋلتاسيالارى ءوتتى. سونىمەن قاتار، كاسىپكەرلىك تاقىرىبىندا 21 ۆەبينار مەن 14 موتيۆاسيالىق كەزدەسۋ ءوتتى.
– پروسەسستەردى قۇرۋ، جوسپارلاۋ، جدج دايىنداۋ – «بيزنەسكە ارنالعان جەدەل جاردەم» جوباسى اياسىندا كاسىپكەرلەردى الاڭداتقان نەگىزگى سۇراقتار تالقىلاندى. جابىلۋدىڭ الدىندا تۇرعان كومپانيالار دا ءبىزدىڭ كومەگىمىزگە جۇگىنىپ، كەيبىر كاسىپكەرلەر بيزنەسىن ساقتاپ قالۋعا بارىنشا قولداۋ كورسەتتىك. ەندى ءبىرقاتارلارىنا زاڭدى تۇردە قىزمەتىن توقتاتۋعا نەمەسە ۋاقىتشا توقتاتۋعا قول ۇشىن سوزدىق. جوبامىزعا قاتىسقان كاسىپكەرلەر باتىل قادام جاساۋعا قورىقپاعانىن قۋاندىق. جوبانى ىسكە اسىرۋ بارىسىندا كاسىپكەرگە قولداۋ كورسەتىپ، دۇرىس باعىت بەرۋدىڭ ماڭىزى زور ەكەنىن ۇعىندىق. ءتىپتى، ولاردىڭ جاڭا ويلارىن دەر كەزىندە ماقۇلداۋدىڭ ءوزى دە ناتيجە بەرەدى، – دەپ اتاپ ءوتتى قازاقستان وتباسىلىق بيزنەس اسسوسياسياسىنىڭ بيزنەس-پروسەسستەر بويىنشا ساراپشىسى تاتيانا شپيلكوۆا.
قازاقستان وتباسىلىق بيزنەس اسسوسياسياسىنىڭ بيزنەستى دامىتۋ بويىنشا ساراپشىسى ايدا قامىسوۆا:
– جوبا بارىسىندا ءبىزدىڭ كاسىپكەرلەرىمىزدىڭ ەرتەڭگى كۇنگە قام جاسامايتىنىنا كوز جەتكىزدىك. ولار «قاۋىپسىزدىك جاستىعىن» جاساۋدى ويلامايدى جانە بيزنەسكە تۇسكەن پايدانىڭ بارلىعىن ءوزىنىڭ تابىسى رەتىندە كورەدى. ءبىزدىڭ ميكروبيزنەس وكىلدەرىنىڭ قارجىلىق ساۋاتتىلىعىنىڭ مۇلدە تومەندىگىن كورسەتەدى، – دەپ بىلىكتى مامان ويىن ورتاعا سالدى.
ناتيجەسىندە 20% جۋىق كاسىپكەرلەر دەر كەزىندە كاسىبىنە وزگەرىس ەنگىزە الدى. كانسەليارلىق تاۋارلار دۇكەنىنىڭ ديرەكتورى ايگۇل راحيموۆا «بيزنەسكە ارنالعان جەدەل جاردەم» جوباسىنىڭ ارقاسىندا كاسىبىن وفلايننان ونلاينعا كوشىردى.
– ءقازىر جالدامالى وفيستەن باس تارتىپ، قويمانى عانا قالدىردىم. ءقازىر كومپانيانىڭ بارلىق قىزمەتكەرلەرى قاشىقتان جۇمىس ىستەۋدە. ءبىز شىعىنداردى ازايتۋدىڭ ارقاسىندا، جاعدايدى ۇتىمدى پايدالاندىق دەپ ايتا الامىن، – دەيدى ايگۇل.
جوبا قورىتىندىسى بويىنشا بيزنەستىڭ ءارتۇرلى باعىتتارى بويىنشا قىزمەت كورسەتەتىن ساراپشىلاردىڭ ءبىرىڭعاي بازاسىن جاساۋ تۋرالى شەشىم قابىلداندى. سەرۆيس 2020 جىلى قازاندا ىسكە قوسىلادى. ونى قازاقستان بويىنشا بارلىق كاسىپكەر پايدالانا الادى.
ەستەرىڭىزگە سالا كەتەيىك، «بيزنەسكە ارنالعان جەدەل جاردەم» جوباسىنا ورتالىق ازيانىڭ ەۋرازيا قورى مەن «شيەۆرون» كومپانياسىمەن بىرگە كارانتيننىڭ حالىققا تيگىزەتىن كەرى اسەرىن تومەندەتۋ، قوعامدىق جانە ەرىكتىلەر ۇيىمدارىن قولداۋ، ب ا ق ارقىلى حالىقتى اقپاراتتاندىرۋ ماقساتىندا ۇيىمداستىرىلعان «Qolda» شۇعىل كومەك جوباسى اياسىندا قارجىلاي قولداۋ كورسەتۋدى كوزدەگەن بولاتىن.
