Elimizde koronavirýstyń zarbadyn shaǵyn jáne orta kásipkerlik sýbektileri, onyń ishinde otbasylyq kompaniialar da tartyp otyr. Qazaqstan otbasylyq biznes assotsiatsiiasynyń dereginshe, qazirgi ýaqytta Qazaqstanda tirkelgen firmalardyń 70%-dan astamy – otbasylyq kompaniialar.
Joba barysynda toptyq jáne jeke konsýltatsiialar, treningter, kezdesýler, vebinarlar ótkizildi, sonymen qatar bizneske arnalyp jeke damý josparlary jasaldy.
50%-dan astam kásipkerler internetke kóshý máseleleri, karantin men TJ jaǵdaiynda jumys isteý boiynsha habarlasty. 25% kásipkerler biznesti jabýdy nemese ýaqytsha toqtatýdy josparlaǵan. 95% memleket tarapynan eshqandai kómektiń joqtyǵyn, daǵdarys ýaqytynda jumys jasaýǵa múmkindiktiń az ekenin aitty.
99% kásipkerler pandemiiaǵa bailanysty bastalǵan ekonomikalyq daǵdarystyń zardabyn tartqan, olarǵa psihologiialyq jáne moraldyq kómek qajet boldy.
Nátijesinde 288 jeke damý jospary jasaldy. Onda kásipkerler artyq shyǵynsyz júzege asyra alatyn daǵdarysqa qarsy áreketter jinaqtalǵan. 2000-ǵa jýyq biznes boiynsha mamandar men psihologtardyń jeke konsýltatsiialary ótti. Sonymen qatar, kásipkerlik taqyrybynda 21 vebinar men 14 motivatsiialyq kezdesý ótti.
– Protsessterdi qurý, josparlaý, JDJ daiyndaý – «Bizneske arnalǵan jedel járdem» jobasy aiasynda kásipkerlerdi alańdatqan negizgi suraqtar talqylandy. Jabylýdyń aldynda turǵan kompaniialar da bizdiń kómegimizge júginip, keibir kásipkerler biznesin saqtap qalýǵa barynsha qoldaý kórsettik. Endi birqatarlaryna zańdy túrde qyzmetin toqtatýǵa nemese ýaqytsha toqtatýǵa qol ushyn sozdyq. Jobamyzǵa qatysqan kásipkerler batyl qadam jasaýǵa qoryqpaǵanyn qýandyq. Jobany iske asyrý barysynda kásipkerge qoldaý kórsetip, durys baǵyt berýdiń mańyzy zor ekenin uǵyndyq. Tipti, olardyń jańa oilaryn der kezinde maquldaýdyń ózi de nátije beredi, – dep atap ótti Qazaqstan otbasylyq biznes assotsiatsiiasynyń biznes-protsesster boiynsha sarapshysy Tatiana Shpilkova.
Qazaqstan otbasylyq biznes assotsiatsiiasynyń biznesti damytý boiynsha sarapshysy Aida Qamysova:
– Joba barysynda bizdiń kásipkerlerimizdiń erteńgi kúnge qam jasamaitynyna kóz jetkizdik. Olar «qaýipsizdik jastyǵyn» jasaýdy oilamaidy jáne bizneske túsken paidanyń barlyǵyn óziniń tabysy retinde kóredi. Bizdiń mikrobiznes ókilderiniń qarjylyq saýattylyǵynyń múlde tómendigin kórsetedi, – dep bilikti maman oiyn ortaǵa saldy.
Nátijesinde 20% jýyq kásipkerler der kezinde kásibine ózgeris engize aldy. Kantseliarlyq taýarlar dúkeniniń direktory Aigúl Rahimova «Bizneske arnalǵan jedel járdem» jobasynyń arqasynda kásibin oflainnan onlainǵa kóshirdi.
– Qazir jaldamaly ofisten bas tartyp, qoimany ǵana qaldyrdym. Qazir kompaniianyń barlyq qyzmetkerleri qashyqtan jumys isteýde. Biz shyǵyndardy azaitýdyń arqasynda, jaǵdaidy utymdy paidalandyq dep aita alamyn, – deidi Aigúl.
Esterińizge sala keteiik, «Bizneske arnalǵan jedel járdem» jobasyna Ortalyq Aziianyń Eýraziia qory men «Shevron» kompaniiasymen birge karantinniń halyqqa tigizetin keri áserin tómendetý, qoǵamdyq jáne eriktiler uiymdaryn qoldaý, BAQ arqyly halyqty aqparattandyrý maqsatynda uiymdastyrylǵan «Qolda» shuǵyl kómek jobasy aiasynda qarjylai qoldaý kórsetýdi kózdegen bolatyn.
