اقتوبە وبلىسىندا قىزعالداق ۇستاپ سۋرەتكە تۇسكەن اكىمگە قانداي شارا قولدانىلعانى بەلگىلى بولدى، - دەپ حابارلايدى Dalanews.kz.

مۇعالجار اۋدانىندا اۋىل اكىمىنە قاتىستى اكىمشىلىك حاتتاما تولتىرىلدى.

شەنەۋنىكتىڭ گۇل ۇستاعان سۋرەتى الەۋمەتتىك جەلىدە جاريالانعاننان كەيىن پوليسيا تەكسەرىس جۇرگىزىپ، اكىمگە قاتىستى اكىمشىلىك حاتتاما تولتىرعان.

"ق ر اقبتك 127-بابى بويىنشا ("كامەلەتكە تولماعان بالانى تاربيەلەۋ مەن قامقورلىق جاساۋ مىندەتتەرىن ورىنداماۋ") اكىمشىلىك حاتتاما تولتىرىلدى، سەبەبى ونىڭ ايتۋىنشا، گۇلدەردى كامەلەتكە تولماعان بالالارى تەرىپ العان. سونىمەن قاتار، مەملەكەتتىك قىزمەتشىلەردىڭ ەتيكاسى جونىندەگى كەڭەستە قاراۋ ءۇشىن اۋدان اكىمدىگىنە ۇسىنىس جولداندى"، – دەدى اقتوبە وبلىسى پد باسپا ءسوز قىزمەتى وكىلى.

ەسكە سالايىق، بۇعان دەيىن اقتوبە وبلىسىندا جەرگىلىكتى شەندىلەردىڭ ءبىرىنىڭ باسى داۋعا قالعانى حابارلاندى.

ءمان-جاي

جەرگىلىكتى Instagram پاراقشالاردىڭ بىرىندە اقتوبەلىك شەندىلەردىڭ ءبىرى قىزعالداق جۇلعانى تۋرالى اقپارات تارادى.

"زاڭ بويىنشا تىيىم سالىنعان ەمەس پە؟ اۋدان اكىمى. شارا قابىلداۋلارىڭىزدى سۇرايمىز"، - دەپ جازىلعان اقپاراتتا.

اقتوبە وبلىسىنىڭ پوليسيا دەپارتامەنتى جاعدايعا پىكىر بىلدىرگەن.

"بۇل اقپارات تەكسەرىلىپ، قۇقىقتىق باعا بەرىلەدى"، - دەدى پوليسيا.

اكىمنىڭ پىكىرى

Orda.kz مالىمەتىنشە، سۋرەتتەگى شەنەۋنىك - اقتوبە وبلىسىندا ق.جۇبانوۆ اتىنداعى اۋىلدىق وكرۋگ اكىمى ءلاززات بەردىبايەۆا.

ەندى مۇعالجار اۋدانى ق.جۇبانوۆ اتىنداعى اۋىلدىق وكرۋگىنىڭ اكىمى ءلاززات بەردىبايەۆانىڭ قانداي قىزعالداق جۇلعانىن پوليسيا تەكسەرمەك.

باسىلىم دەرەگىنە سۇيەنسەك، شەندى "جۇلۋعا بولمايتىنىن بىلمەدىم" دەپ اقتالعان. 

"كۇنى كەشە تۇسكەن سۋرەت. دەمالىستا بالالارمەن دالاعا سەرۋەنگە شىقتىق. قاندىاعاشقا قاراي جۇرىننىڭ قاسىندا تاسجولدىڭ بويىندا بولدىق. بالالارىم جۇلىپ اكەپ بەردى. ەستەلىككە سۋرەتكە ءتۇستىم. WhatsApp ستاتۋسىنا سالدىم. گۇلدى تانىمايدى ەكەنمىن. مەن ونى جۇلۋعا بولمايتىنىن بىلگەن جوقپىن. باسقا جاقتا قىزىل كىتاپقا ەنگەن گۇلدى جۇلۋعا بولمايتىنىن بىلەمىن. ەلدىڭ ءبارى جۇلىپ جاتتى. ويىمدا ەشتەڭە جوق. ايتپەسە، مىنە، مەن جۇلدىم، مىنە، سۋرەتكە ءتۇستىم دەپ نەم بار"، - دەگەن ءلاززات بەردىبايەۆا.

بۇعان دەيىنگى وقيعا

ەسكە سالايىق، بۇعان دەيىن الەۋمەتتىك جەلىلەردە قىزىل كىتاپقا ەنگەن قىزعالداقتاردى كەسىپ، كولىگىنە تيەپ جاتقان ايەلدىڭ ۆيدەوسى تاراعان بولاتىن. كەيىن پوليسيا دەپارتامەنتى ءتۇركىستان وبلىسى ورداباسى اۋدانىنداعى تابيعي القاپتا سيرەك كەزدەسەتىن، جويىلىپ كەتۋ ءقاۋپى بار قىزعالداقتاردى زاڭسىز تەرگەن شىمكەنت تۇرعىنى انىقتالعانىن مالىمدەدى.

ايتا كەتەيىك، بۇل ارەكەت ق ر قىلمىستىق كودەكسىنىڭ 339-بابى سيرەك كەزدەسەتىن جانە جويىلۋ ءقاۋپى تونگەن وسىمدىكتەردى زاڭسىز جويۋ دەرەگى بويىنشا سارالانادى.