ارىس قالاسىنداعى «اگروفيرما جاڭا اقدالا» ءجشس-نىڭ قىزاناق وڭدەيتىن تومات زاۋىتىندا كۇنىنە 400-500 توننا قىزاناق وڭدەلىپ، 70 تونناعا جۋىق تومات كونسەنتراتى دايىندالۋدا. الداعى ۋاقىتتا ءوندىرىس ورنى جۇمىس كولەمىن كەڭەيتىپ، تومات كونسەنتراتىنان دايىن ءونىم شىعارماق. جاقىن كۇندەرى كاسىپورىن جاڭا جەلىنى ىسكە قوسىپ، تومات پاستاسىن جاسايدى. بۇگىندە ارنايى قوندىرعىلاردى الىپ، ورناتىپ قويعان. 



زاۋىت ديرەكتورى ەرلان اقجىبەكوۆتىڭ ايتۋىنشا، تومات پاستاسىن شىعاراتىن جەلىنى قاراشانىڭ ەكىنشى ون كۇندىگىندە ىسكە قوسادى. ءونىم «التىن ءدان» ماركاسىمەن ءۇش ءتۇرلى كولەمدەگى شىنى ىدىستا شىعارىلاتىن بولادى. تابيعي دايىن ءونىم وڭتۇستىك ءوڭىرىنىڭ ساۋدا قاتارلارىنان بولەك، ەلىمىزدىڭ جەتى وبلىسىندا دا ساۋدالانادى دەپ جوسپارلانۋدا.

اقدالا اۋىلدىق وكرۋگىندەگى «اگروفيرما جاڭا اقدالا» ءجشس-نىڭ ەگىستىك القابىندا تامشىلاتىپ سۋارۋ ادىسىمەن 400 گەكتارعا جۋىق جەرگە قىزاناق ەگىلگەن. بۇگىندە شارۋالار ءتورت كومباينمەن القاپتاعى 200 گەكتار قىزاناقتى جيناپ ۇلگەرىپ، ودان 12 مىڭ توننا ءونىم العان. ولاردىڭ ايتۋىنشا، بيىل ءونىم مول بولعاندىقتان گەكتارى 630 سن قۇراپ وتىر ەكەن. ماۋسىم كەزىندە مۇندا ءۇش جۇزدەن استام ادام ەڭبەك ەتەدى. ال تۇراقتى 229 ازامات جۇمىس جاسايدى.

سەرىكتەستىك ۇدەمەلى يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا 2008 جىلى ىسكە قوسىلعان. سالاسى تومات ونىمدەرىن ءوسىرۋ جانە وڭدەۋ. ال وندىرەتىن ءونىمى تومات پاستاسىنىڭ كونسەنتراتى. كاسىپورىنداعى تومات وندىرەتىن زاۋىتتىڭ ءوندىرىس قۋاتتىلىعى تاۋلىگىنە 600 توننا.



 

وقو اكىمىنىڭ باسپا ءسوز قىزمەتى