ناۋرىز ايىندا ٸ. جانسٷگٸروۆ اتىنداعى جەتٸسۋ ۋنيۆەرسيتەتٸنٸڭ دەلەگاتسيياسى بٸلٸم مەن عىلىم, سونداي-اق اگرارلىق سەكتورداعى حالىقارالىق ىنتىماقتاستىقتى نىعايتۋ ماقساتىندا قىتاي حالىق رەسپۋبليكاسىنا رەسمي ٸسساپارمەن باردى. ٸسساپار بارىسىندا دەلەگاتسييا بٸرنەشە جوعارى وقۋ ورنىندا بولىپ, ماڭىزدى كەزدەسۋلەر ٶتكٸزدٸ, دەپ حابارلايدى Dalanews.kz.
العاشقى كٷنٸ شەنسي پروۆينتسيياسىنىڭ سيان قالاسىندا ورنالاسقان شەنسي عىلىم جەنە تەحنولوگييا ۋنيۆەرسيتەتٸنٸڭ باسشىلىعىمەن كەزدەسۋ ٶتٸپ, ىنتىماقتاستىق جٶنٸندەگٸ مەموراندۋمعا قول قويىلدى.
كەزدەسۋ بارىسىندا ەكٸ وقۋ ورنى اراسىنداعى اكادەمييالىق الماسۋ, بٸرلەسكەن عىلىمي جوبالار مەن يننوۆاتسييالىق باستامالاردى جٷزەگە اسىرۋ مەسەلەلەرٸ كەڭٸنەن تالقىلاندى. قىتايلىق ەرٸپتەستەر بٸلٸم بەرۋ مەن عىلىم سالاسىنداعى وزىق تەحنولوگييا جەتٸستٸكتەرٸمەن بٶلٸسۋگە جەنە بەسەكەگە قابٸلەتتٸ كادرلاردى بٸرلەسٸپ دايارلاۋعا دايىن ەكەندٸكتەرٸن بٸلدٸردٸ.
اتالعان ۋنيۆەرسيتەت 1958 جىلى قۇرىلعان مەملەكەتتٸك كٶپسالالى جوعارى وقۋ ورنى. باستاپقىدا جەڭٸل ٶنەركەسٸپ سالاسىنا بەيٸمدەلگەن ينستيتۋت رەتٸندە نەگٸزٸ قالانعان وقۋ ورنى بٷگٸندە ينجەنەرييا, ماتەريالتانۋ, حيمييا جەنە تەحنولوگييا باعىتتارى بويىنشا ماماندار دايارلايتىن زاماناۋي ۋنيۆەرسيتەتكە اينالعان.
جەتٸسۋلىق عالىمدار سونداي-اق Northwest Agriculture and Forestry University بازاسىندا بولىپ, اۋىل شارۋاشىلىعى سالاسىنداعى وزىق عىلىمي-زەرتتەۋ ينفراقۇرىلىمىمەن تانىستى. ۋنيۆەرسيتەت عالىمدارى زەرتحانالار مەن تەجٸريبەلٸك الاڭداردا ارپا, بيداي, سويا سيياقتى ماڭىزدى داقىلداردى ٶسٸرۋدٸڭ زاماناۋي ەدٸستەرٸن كەڭٸنەن قولدانادى. بۇل تەجٸريبە بولاشاقتا اگرارلىق باعىتتاعى مامانداردى بٸرلەسٸپ دايارلاۋعا جەنە عىلىمي جوبالاردى جٷزەگە اسىرۋعا زور مٷمكٸندٸك بەرەدٸ.
ٸسساپاردىڭ تاعى بٸر ماڭىزدى بٶلٸگٸ — Yuchun Agricultural Mobile Orchard ورتالىعىنىڭ جۇمىسىمەن تانىسۋ بولدى. ورتالىق اقىلدى جىلىجايلار مەن تسيفرلىق باسقارۋ جٷيەلەرٸ ارقىلى ماۋسىمنان تىس كەزەڭدە ٶنٸم الۋعا مٷمكٸندٸك بەرەدٸ. سونىمەن قاتار ٶندٸرٸستٸ اۆتوماتتاندىرۋ جەنە عىلىمي زەرتتەۋلەردٸ تەجٸريبەمەن ۇشتاستىرۋ ارقىلى جوعارى نەتيجەلەرگە قول جەتكٸزٸپ وتىر. مۇنداي تەجٸريبە جەتٸسۋ ٶڭٸرٸنٸڭ اگرارلىق سەكتورىن دامىتۋدا تيٸمدٸ بولماق.
قىتاي حالىق رەسپۋبليكاسىنداعى جەتەكشٸ ۋنيۆەرسيتەتتەر مەن عىلىمي ورتالىقتارمەن ىنتىماقتاستىق جەتٸسۋ ۋنيۆەرسيتەتٸنٸڭ ەلەۋەتٸن ارتتىرىپ قانا قويماي, ەلٸمٸزدٸڭ بٸلٸم بەرۋ جەنە اگرارلىق سەكتورلارىن دامىتۋعا دا وڭ ىقپال ەتەدٸ. بۇل — جەتٸسۋ ۋنيۆەرسيتەتٸ ٷشٸن ٷلكەن مٷمكٸندٸك ەرٸ حالىقارالىق دەڭگەيدە بەسەكەگە قابٸلەتتٸ كادرلار دايارلاۋدىڭ ماڭىزدى تەتٸگٸ.
بٷگٸنگٸ تاڭدا بٸلٸم مەن عىلىم جاھاندىق سيپاتقا يە. ٸ. جانسٷگٸروۆ اتىنداعى جەتٸسۋ ۋنيۆەرسيتەتٸ وسى باعىتتاعى جۇمىستارىن جٷيەلٸ تٷردە جالعاستىرىپ, اكادەمييالىق ۇتقىرلىقتى دامىتىپ, حالىقارالىق ىنتىماقتاستىقتى ودان ەرٸ نىعايتۋعا كٷش سالۋدا.
