قىتايدىڭ حاربين قالاسىندا بيىكتىگى 19 مەتردەن اساتىن الىپ اققالا تۇرعىزىلدى. مۇز بەن قار فەستيۆالدەرىمەن الەمگە تانىمال قالاداعى ەرەكشە نىسان قىسقى ماۋسىمنىڭ باستى كورىكتى جەرلەرىنىڭ بىرىنە اينالدى، دەپ حابارلايدى Dalanews.kz.
B-Tech ۇسىنعان مالىمەتكە سايكەس، الىپ اققالانى جاساۋ ءۇشىن شامامەن 3 500 تەكشە مەتر قار پايدالانىلعان. قۇرىلىس جۇمىستارىنا 150-دەن استام ادام تارتىلىپ، ءمۇسىندى تۇرعىزۋ 11 كۇنگە سوزىلعان.
قازىرگى تاڭدا الىپ اققالا حاربينگە كەلگەن تۋريستەردىڭ ەرەكشە قىزىعۋشىلىعىن تۋدىرىپ، قالاعا كەلۋشىلەر سانىنىڭ ارتۋىنا ىقپال ەتىپ وتىر.
