قىتاي مەن قازاقستان اراسىنداعى ساۋدا دەرەكتەرٸندە تاعى دا ايتارلىقتاي الشاقتىق انىقتالدى. قىتاي تاراپى كٶرسەتكەن ەكسپورت كٶلەمٸ قازاقستاننىڭ رەسمي يمپورت ستاتيستيكاسىنان ميللياردتاعان دوللارعا جوعارى, دەپ حابارلايدى Dalanews.kz tradereport.kz سايتىنا سٸلتەمە جاساپ.
قىتايدىڭ باس كەدەن باسقارماسىنىڭ مەلٸمەتٸنە سەيكەس, 2025 جىلدىڭ قورىتىندىسى بويىنشا قىتايدىڭ قازاقستانعا ەكسپورتى 29,69 ملرد دوللارعا جەتكەن. بۇل بٸر جىل بۇرىنعى كٶرسەتكٸشتەن 6,2 پايىزعا كٶپ.
ال قازاقستاننىڭ مەملەكەتتٸك كٸرٸستەر كوميتەتٸ سول كەزەڭدە قىتايدان ەكەلٸنگەن يمپورت كٶلەمٸ نەبەرٸ 18,94 ملرد دوللار بولعانىن ايتادى. دەگەنمەن قازاقستاندىق ستاتيستيكادا ٶسٸم ايتارلىقتاي جوعارى - 24,1 پايىز.
وسىلايشا ەكٸ ەلدٸڭ رەسمي دەرەكتەرٸ اراسىندا 10,8 ملرد دوللار ايىرماشىلىق پايدا بولىپ وتىر. بۇل ايىرماشىلىق قىتاي ۇسىنعان مەلٸمەتتەردٸڭ پايداسىنا شەشٸلگەن. ايتا كەتەيٸك, 2024 جىلى بۇل الشاقتىق ودان دا جوعارى بولىپ, 12,7 ملرد دوللارعا جەتكەن.
ساراپشىلاردىڭ ايتۋىنشا, ەكٸجاقتى ساۋدا كٶلەمٸ جىل سايىن ٶسٸپ كەلە جاتقانىمەن, ستاتيستيكالىق سەيكەسسٸزدٸك مەسەلەسٸ, ەسٸرەسە قازاقستان يمپورتى بويىنشا, ەلٸ كٷنگە دەيٸن شەشٸلمەي وتىر.
مەسەلە تەك ەسەپ-قيساپپەن شەكتەلمەيدٸ. شەكاراداعى جاعداي دا احۋالدى كٷردەلەندٸرە تٷسۋدە. «نۇر جولى» ٶتكٸزۋ بەكەتٸ ٷنەمٸ شامادان تىس جٷكتەمەمەن جۇمىس ٸستەيدٸ.
ٶتكەن جىلدىڭ سوڭىندا بۇل باعىتتا جٷك كٶلٸكتەرٸنٸڭ بٸرنەشە شاقىرىمعا سوزىلعان كەزەگٸ پايدا بولعان. فۋرالار اتامەكەن مەن شولاقاي اۋىلدارىنان باستاپ ٶتكٸزۋ بەكەتٸنە دەيٸن تٸزٸلٸپ تۇرعان. جٷرگٸزۋشٸلەر كابينالارىندا تٷنەمەككە مەجبٷر بولىپ, ەلەكتروندى كەزەك جٷيەسٸنە جەنە جاۋاپتى قىزمەتتەردٸڭ تٷسٸنٸكتٸ اقپارات بەرمەۋٸنە شاعىمدانعان.
