جۇڭگو ديپلوماتى نارازىلىق بىلدىرۋشىلەر تەككە ۇرەيلەنىپ، بوسقا كۇدىكتەنەدى دەپ سانايدى. ونىڭ سوزىنە قاراعاندا، ەكى مەملەكەت باسشىلارىنىڭ كەزدەسۋى قارساڭىندا بولعان بۇل نارازىلىقتار وسى ماڭىزدى وقيعاعا باعىتتالعان ارانداتۋشىلىق ىسپەتتى.
- نارازىلىق بىلدىرۋشىلەردىڭ ارتىندا قىتايعا جانە ءبىزدىڭ ەكىجاقتى قارىم-قاتىناسىمىزدىڭ دامۋىنا سەلكەۋ ءتۇسىرۋدى ماقسات ەتەتىن قانداي دا ءبىر كۇشتەر تۇر دەپ بولجانادى. سولار اراعا وت سالۋ ءۇشىن جەرگىلىكتى حالىقتىڭ كوڭىل-كۇيىن بۇزىپ، نارازىلىققا يتەرمەلەۋدە دەپ توپشىلايمىز. بارى وسى، باسقا تۇك ەمەس. مەن ايتار ەدىم، ولاردىڭ بۇل ارەكەتىنەن تۇك شىقپايدى، ويتكەنى ول گەوساياسي تەرىس پيعىلدى مۇددەلەردەن تۋىنداۋدا، - دەدى قازاقستان رەسپۋبليكاسىنداعى قحر ەلشىسى چجان سياو.
