Qazaqstanda qytaı kásiporyndaryn salýǵa qarsy ótip jatqan mıtıńterge qatysty Qazaqstan Respýblıkasyndaǵy QHR elshisi Chjan Sáo pikir bildirdi, dep habarlaıdy Dalanews.kz Almaty.tv-ge silteme jasap.

Qytaı dıplomaty narazylyq bildirýshiler tekke úreılenip, bosqa kúdiktenedi dep sanaıdy. Onyń sózine qaraǵanda, eki memleket basshylarynyń kezdesýi qarsańynda bolǵan bul narazylyqtar osy mańyzdy oqıǵaǵa baǵyttalǵan arandatýshylyq ispetti.

- Narazylyq bildirýshilerdiń artynda Qytaıǵa jáne bizdiń ekijaqty qarym-qatynasymyzdyń damýyna selkeý túsirýdi maqsat etetin qandaı da bir kúshter tur dep boljanady. Solar araǵa ot salý úshin jergilikti halyqtyń kóńil-kúıin buzyp, narazylyqqa ıtermeleýde dep topshylaımyz. Bary osy, basqa túk emes. Men aıtar edim, olardyń bul áreketinen túk shyqpaıdy, óıtkeni ol geosaıası teris pıǵyldy múddelerden týyndaýda, - dedi Qazaqstan Respýblıkasyndaǵy QHR elshisi Chjan Sáo.