قىرعىزستاننىڭ وش قالاسىندا بولعان سەل سالدارىنان جوعالىپ كەتكەن 7 جاسار قىزدىڭ دەنەسى وزبەكستان اۋماعىنان تابىلدى، دەپ حابارلايدى Dalanews.kz.
قىرعىزستان توتەنشە جاعدايلار مينيسترلىگىءنىڭ مالمەتىنشە، ءاندىجان قالاسىنداعى (وزبەكستان رەسپۋبليكاسى) شاحريحونسوي سۋارۋ كانالىنان 2017 جىلى تۋعان قىزدىڭ ءمايىتى تابىلدى.
ونىڭ دەنەسى "دوستىق" شەكاراسى ارقىلى قىرعىز تاراپىنا بەرىلدى. جوعالعان ەكى ايەل مەن ەكى قىزدى ىزدەۋ جۇمىستارى جالعاسۋدا.
ەسكە سالايىق، 28 ماۋسىمدا قىرعىزستاندا نوسەر جاۋىن-شاشىن جاۋىپ، وش وبلىسىنىڭ نووكات اۋدانىندا جويقىن سەل تاسقىنى ءوتىپ، ونىڭ سالدارىنان تۇرعىندار مەن تۋريستەر زارداپ شەكتى.
سوڭعى مالىمەتتەر بويىنشا، توعىز ادام قازا تاپتى، ونىڭ تورتەۋى – قازاقستاندىق بالا. قايعىلى وقيعا بولعان كۇنى شىعىس قازاقستاندىق ەكى ۇل مەن ەكى قىز انالارىمەن بىرگە تۋىستارىنا بارعان.
"تابيعي اپات ورنىندا قىرعىز تاراپىنىڭ قۇتقارۋ قىزمەتتەرى جۇمىس ىستەپ جاتىر. قازاقستاندىق ديپلوماتتار جەرگىلىكتى بيلىكپەن تۇراقتى بايلانىستا. ءبىزدىڭ قىرعىزستانداعى ەلشىلىگىمىز قايتىس بولعان بالالاردىڭ تۋىستارىنا بارلىق قاجەت كومەك كورسەتىپ جاتىر. بۇل قايعىلى وقيعا ق ر سىرتقى ىستەر مينيسترلىگىنىڭ ەرەكشە باقىلاۋىندا"، - دەپ جازىلعان ءسىم حابارلاماسىندا.
وسىعان بايلانىستى قازاقستان سىرتقى ىستەر ءمينيسترى مۇرات نۇرتىلەۋ قىرعىزستان ءسىم باسشىسى جەەنبەك كۋلۋبايەۆپەن تەلەفون ارقىلى سويلەسىپ، توتەنشە جاعدايدىڭ ءمان-جايىن جانە ەكى ەلدىڭ ءتيىستى مەملەكەتتىك ورگاندارىنىڭ ءوزارا ءىس-قيمىلىن تالقىلادى.
