قىرعىزستاندا سەل جٷرٸپ, سالدارىنان سەگٸز ادام قازا تاپتى. ولاردىڭ ٸشٸندە قازاقستاندىقتار دا بار, - دەپ حابارلايدى Dalanews.kz.
28 ماۋسىمدا قىرعىزستاندا نٶسەر جاۋىن-شاشىن جاۋىپ, وش وبلىسىنىڭ نووكات اۋدانىندا جويقىن سەل تاسقىنى ٶتٸپ, ونىڭ سالدارىنان تۇرعىندار مەن تۋريستەر اراسىندا زارداپ شەككەندەر بار.
قىرعىزستاننىڭ تٶتەنشە جاعداي مينيسترلٸگٸنٸڭ الدىن الا بەرگەن اقپاراتى بويىنشا قازا تاپقانداردىڭ اراسىندا قازاقستاننىڭ كەمەلەتكە تولماعان ازاماتتارى بار. قازٸرگٸ تاڭدا ەكٸ بالانىڭ دەنەسٸ تابىلىپ, تاعى ەكەۋٸن ٸزدەۋ جۇمىستارى جالعاسىپ جاتىر.
"تابيعي اپات ورنىندا قىرعىز تاراپىنىڭ قۇتقارۋ قىزمەتتەرٸ جۇمىس ٸستەپ جاتىر. قازاقستاندىق ديپلوماتتار جەرگٸلٸكتٸ بيلٸكپەن تۇراقتى بايلانىستا. بٸزدٸڭ قىرعىزستانداعى ەلشٸلٸگٸمٸز قايتىس بولعان بالالاردىڭ تۋىستارىنا بارلىق قاجەت كٶمەك كٶرسەتٸپ جاتىر. بۇل قايعىلى وقيعا قر سىرتقى ٸستەر مينيسترلٸگٸنٸڭ ەرەكشە باقىلاۋىندا", - دەپ جازىلعان سٸم حابارلاماسىندا.
وسىعان بايلانىستى قازاقستان سىرتقى ٸستەر مينيسترٸ مۇرات نۇرتٸلەۋ قىرعىزستان سٸم باسشىسى جەەنبەك كۋلۋباەۆپەن تەلەفون ارقىلى سٶيلەسٸپ, تٶتەنشە جاعدايدىڭ مەن-جايىن جەنە ەكٸ ەلدٸڭ تيٸستٸ مەملەكەتتٸك ورگاندارىنىڭ ٶزارا ٸس-قيمىلىن تالقىلادى.
