ءبىز ونى سالىنىپ جاتقان الەمدىك ستاندارتقا ساي ءتۇرلى مەكتەپتەر مەن جوعارعى وقۋ ورىندارىنان بايقايمىز. سونداي ۋنيۆەرسيتەتتەردىڭ ءبىرى – ءال-فارابي اتىنداعى قازاق ۇلتتىق ۋنيۆەرسيتەتى. قازاق ۇلتتىق ۋنيۆەرسيتەتى – ىرگەلى ءبىلىم وشاعى، عىلىم مەن مادەنيەتتىڭ ورتالىعى. حالقىمىزدىڭ زاڭعار پەرزەنتتەرى قىزمەت ەتكەن، تالاي تالانتتى ۇل-قىزدارىمىز شىققان قارا شاڭىراق. عىلىم مەن قوعام قايراتكەرلەرىنىڭ بىرنەشە بۋىنىن تاربيەلەپ شىعاراتىن التىن ۇيامىز بيىل 90 جىلدىق مەرەكەسىن اتاپ ءوتتى.
ءال-فارابي اتىنداعى قازاق ۇلتتىق ۋنيۆەرسيتەتى ماڭىزدى عىلىمي-زەرتتەۋ ينستيتۋتتارىنىڭ ءبىرى جانە سونىمەن قاتار قازاقستان رەسپۋبليكاسىنىڭ كوپتەگەن عىلىمي جانە كاسىبي سالالارىنداعى ماگيسترانتتار مەن دوكتورانتتارعا وراسان زور مۇمكىندىكتەر اشاتىن كورنەكتى وقۋ ورداسى بولىپ تابىلادى. ۋنيۆەرسيتەت حالىقارالىق پروفەسسورلاردى پىكىر الماسۋعا،لەكسيا جۇرگىزۋگە شاقىرادى، جاھاندىق ماسەلەلەر بويىنشا زەرتتەۋلەر مەن وقىتۋلاردى قولداۋعا، سونداي-اق ءارتۇرلى شەت ەلدەرمەن جانە ايماقتارمەن اكادەميالىق بايلانىستار ورناتۋعا تىرىسادى. وقۋ ورداسى كەز-كەلگەن سالا بويىنشا ءبىلىم مەن وقۋدى جوعارى دەڭگەيدە ىلگەرىلەتۋدى جانە ءوز كۇشىن بۇكىل الەمدىك ستاندارتقا ساي بولاتىن ناتيجەلەردى ماقسات ەتە وتىرىپ جۇمىس اتقارادى.
«قازۇۋ حالىقارالىق QS رەيتينگىندە 230-ورىندا. QS Asia ۋنيۆەرسيتەتتەرى رەيتينگى بويىنشا 29-شى ساتىدا. 90 جىلدىق تاريحى بار ۋنيۆەرسيتەتتە 3354 وقىتۋشى-پروفەسسور تابىستى ەڭبەك ەتۋدە. ونىڭ ىشىندە 11 ق ر ۇعا اكادەميگى، ق ر جوعارى مەكتەبىنىڭ ءۇش اكادەميگى، جوعارى مەكتەبى عىلىم اكادەمياسىنىڭ سەگىز اكادەميگى، جەتى ۇعا كوررەسپوندەنت-مۇشەسى بار. سونداي-اق 603 دوكتور، 736 عىلىم كانديداتى، 512 PhD جۇمىس ىستەيدى. 2023-2024 وقۋ جىلىنا 10 719 تالاپكەر قابىلدانىپ، ءبىلىم الۋشىلار سانى الدىڭعى جىلمەن سالىستىرعاندا 3000 عا ارتتى. قازۇۋ-دىڭ 32 وقىتۋشىسى «جوعارى وقۋ ورنىنىڭ ۇزدىك وقىتۋشىسى – 2023» رەسپۋبليكالىق بايقاۋىندا جەڭىمپاز اتاندى.قازۇۋ باتىس جانە شىعىس ەۋروپا، سولتۇستىك امەريكا، ازيا جانە تىنىق مۇحيتى ايماعىنداعى 650-دەن استام جوعارى وقۋ ورىندارىمەن جانە ۇيىمدارىمەن تىعىز قارىم-قاتىناستا. 80-نەن استام ارىپتەستىك بايلانىس وتكەن جىلى ورناتىلدى. الەمنىڭ 54 ەلىنەن 3928 شەتەلدىك ستۋدەنت ءبىلىم الۋدا.
ۋنيۆەرسيتەتتە ساپالى ءبىلىم العىسى كەلەتىن ءاربىر ستۋدەنت ءۇشىن ءبىرقاتار لايىقتى مۇمكىندىكتەر بار. ۋنيۆەرسيتەتتە قازاقستانداعى ەڭ ۇلكەن جانە ەڭ باي كىتاپحانالاردىڭ ءبىرى بار.ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كىتاپحاناسى ورتالىق ازياداعى ەڭ ءىرى كىتاپحانالاردىڭ ءبىرى بولىپ سانالادى. قازۇۋ جاس عالىمدارعا جاقسى جابدىقتالعان جاتاقحانا ۇسىناتىن ستۋدەنتتىك قالا سانالادى. ۋنيۆەرسيتەتتە 5000-نان استام ستۋدەنتتى قابىلداي الاتىن 14 ۇلكەن جاتاحانا ورنالاسقان. ۋنيۆەرسيتەتتە 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتتارى مەن ورتالىقتارى، تەحنوپارك بار.
ءال-فارابي اتىنداعى قازاق ۇلتتىق ۋنيۆەرسيتەتى قازاقستاننىڭ جەتەكشى كلاسسيكالىق ۋنيۆەرسيتەتى مارتەبەسىنە يە قازاقستان ءبىلىمى مەن عىلىمىنىڭ ءىرى ورتالىعى. قازۇۋ-دى ەلىمىزدىڭ بارلىق جوعارعى ءبىلىم بەرۋ جۇيەسىنىڭ تىرەگى، بىلىكتى ماماندار ورداسى دەۋگە بولادى.قورىتىندىلاي كەلە، 1934 جىلدان باستاپ ۋنيۆەرسيتەتتىڭ اشىلۋىنان باستاپ، بۇگىنگى كۇنگە دەيىن قازۇۋ قازاقستاننىڭ كوپتەگەن رەيتينگتەرىندە بوي كورسەتۋدە.قارا شاڭىراق تۇلەكتەرى مەملەكەتتىك اپپاراتتا جوعارى قىزمەت اتقارادى، مەملەكەتىمىزدىڭ بارلىق سالالارىندا، كوپتەگەن تانىمال كومپانيالاردا ەلىمىزدىڭ وركەندەۋى ءۇشىن قىزمەت اتقارۋدا.
داۋباسوۆا س.ش
ءال-فارابي اتىنداعى قازۇۋ زاڭ فاكۋلتەتى
قىلمىستىق قۇقىق، قىلمىستىق
ءىس جۇرگىزۋ جانە كريميناليستيكا
كافەدراسىنىڭ اعا وقىتۋشىسى
سۋرەت: kaznu.kz
