ايتۋلى شاراعا ءال-فارابي اتىنداعى قازۇۋ-دىڭ باسقارما ءتوراعاسى – رەكتورى جانسەيىت تۇيمەبايەۆ، ولجاس سۇلەيمەنوۆ، سماعۇل ەلۋباي، مارات توقاشبايەۆ، قالي سارسەنباي، ءسابيت شىلدەباي سىندى زيالى قاۋىم وكىلدەرى، ديپلوماتتار مەن ب ا ق وكىلدەرى قاتىستى.
شارا بارىسىندا ءسوز سويلەگەن قازۇۋ قۇرمەتتى مەيمانعا ۋنيۆەرسيتەتكە كەلگەنى ءۇشىن العىس ايتىپ، قازاقستان مەن تۇركيانىڭ كوپجىلدىق جەمىستى ىنتىماقتاستىعىنىڭ ماڭىزدىلىعىن اتاپ ءوتتى.
– قازاقستان مەن تۇركيا – باۋىرلاس مەملەكەت. ەكى ەلدىڭ قارىم-قاتىناسى تاۋەلسىزدىككە دەيىن باستالعان. قازاقستان ەگەمەندىگىن العاندا العاش قۇتتىقتاپ، دوستىق نيەتىن جەتكىزگەن تۇركيا مەملەكەتى بولاتىن. 1992 جىلى قازاقستان مەن تۇركيا مەملەكەتتەرى رەسمي تۇردە ديپلوماتيالىق قارىم-قاتىناس ورناتتى. سوندىقتان ءبىز ءۇشىن تاۋەلسىزدىكتىڭ 30 جىلدىعىنا وراي جانە الداعى ەكى ەل ىنتىماقتاستىعىنىڭ 30 جىلدىعى اياسىندا تۇركيا رەسپۋبليكاسىنىڭ 11ء-شى پرەزيدەنتى ابدۋللا گۇل مىرزانىڭ ۋنيۆەرسيتەتىمىزگە كەلگەنى ايرىقشا مارتەبە، – دەدى ۋنيۆەرسيتەت رەكتورى.
قازاقستانعا جۇمىس ساپارىمەن كەلگەن تۇركيانىڭ ەكس-پرەزيدەنتى ابدۋللا گۇل قازاقستان تاۋەلسىزدىگىنىڭ 30 جىلدىعىمەن قۇتتىقتاپ، ىستىق لەبىزىن ءبىلدىردى. سونداي-اق قۇرمەتتى مەيمان قازاقستاندى دامىتۋداعى ەلباسى نۇرسۇلتان نازاربايەۆتىڭ ەلەۋلى ءرولىن ايرىقشا اتاپ ءوتتى.
– قازاقستان – ءبىزدىڭ اتاجۇرتىمىز. بارشاڭىزدى تاۋەلسىزدىكتىڭ 30 جىلدىعىمەن قۇتتىقتايمىن! قازاقستاننىڭ جەتىستىكتەرىن ءبىز ق ر تۇڭعىش پرەزيدەنتى نۇرسۇلتان نازاربايەۆتىڭ ەسىمىمەن تىعىز بايلانىستىرامىز. بۇگىندە ەلدەرىڭىز الەمدىك قوعامداستىقتا لايىقتى ورىن الىپ وتىر. بۇل نۇرسۇلتان ءابىش ۇلىنىڭ ۇلكەن ەڭبەگى. ول حالىق پەن ەلدىڭ يگىلىگى ءۇشىن كوپتەگەن شارالاردى ۇيىمداستىرىپ، قازاقستاندى جاڭا دەڭگەيگە كوتەردى. بۇگىندە ۇلت كوشباسشىسىنىڭ سارا جولىن مەملەكەت باسشىسى قاسىم-جومارت كەمەل ۇلى توقايەۆ ابىرويمەن جالعاستىرىپ كەلەدى. وسىنداي كەزدەسۋدى ۇيىمداستىرىپ، جىلى قابىلداعاندارىڭىز ءۇشىن ۋنيۆەرسيتەت رەكتورى جانسەيىت تۇيمەبايەۆقا جانە ۇيىمداستىرۋشىلارعا العىسىمدى بىلدىرەمىن، – دەدى ابدۋللا گۇل.
كەزدەسۋ بارىسىندا ابدۋللا گۇل جينالعاندارعا ءدارىس وقىدى. سونىمەن قاتار تۇركيانىڭ قوعام قايراتكەرى ءوزىنىڭ ساياسي سالاداعى كوپجىلدىق تاجىريبەسىمەن ءبولىسىپ، قاتىسۋشىلاردىڭ سۇراقتارىنا جاۋاپ بەردى.
شارا سوڭىندا ابدۋللا گۇلگە ءال-فارابي اتىنداعى قازاق ۇلتتىق ۋنيۆەرسيتەتىنىڭ «قۇرمەتتى پروفەسسورى» اتاعى بەرىلدى. سونداي-اق ۋنيۆەرسيتەت رەكتورى جانسەيىت تۇيمەبايەۆ مەيماندى «ءال-فارابي» التىن مەدالىمەن ماراپاتتادى.
ەسكە سالا كەتەيىك، ابدۋللا گۇل 2002-2003 جىلدار ارالىعىندا تۇركيانىڭ پرەمەر-مينيسترى، كەيىن پرەمەر-مينيستردىڭ كومەكشىسى، شەتەل ىستەرى ءمينيسترى قىزمەتىن ابىرويمەن اتقارعان. ال 2007-2014 جىلدار ارالىعىندا تۇركيانىڭ پرەزيدەنتى بولدى.
https://www.youtube.com/watch؟v=ufsSZ4V1KQI
ءال-فارابي اتىنداعى قازۇۋ-دىڭ باسپا ءسوز قىزمەتى
