"قازمۇنايگاز" ۇلتتىق كومپانيياسى 2023 جىلدىڭ جەلتوقسانىندا ساتىپ العان اتىراۋداعى تاماق پلەنكاسىن شىعاراتىن زاۋىتتى نەگە قايتا ساتقاندارىن تٷسٸندٸردٸ, دەپ حابارلايدى Dalanews.kz.
بۇل ارادا رەسەيلٸك "سيبۋر" حولدينگٸگە ساتىلعان "پوليمەر پروداكشنداعى" 60% ٷلەس تۋرالى سٶز بولىپ وتىر. زاۋىت نەگە ولارعا ساتىلدى? مۇنى قمگ بىلاي تٷسٸندٸرەدٸ:
"بٸرٸنشٸدەن, "پوليمەر پروداكشن" زاۋىتى پايدالاناتىن نەگٸزگٸ شيكٸزات – پوليپروپيلەندٸ "سيبۋر" حولدينگٸدەن الادى. ياعني, "سيبۋر" جىلىنا 180 مىڭ توننا تاۋار ٶندٸرۋگە قابٸلەتتٸ, تاماق پلەنكاسىن شىعارۋدا ٷلكەن تەجٸريبەسٸ بار ەرٸ "پوليمەر پروداكشن" پايدالاناتىن پوليپروپيلەن ٶنٸمٸن شىعارۋ بويىنشا سەرٸكتەس بولىپ تابىلادى. ەكٸنشٸدەن, ساتۋ كەزەڭٸندە زاۋىت جۇمىس ٸستەمەي تۇرعان, ال جۇمىسشىلارى ٸشٸنارا ٶتەماقى تٶلەنٸپ, ۋاقىتشا دەمالىسقا جٸبەرٸلگەن".
قمگ اتاپ ٶتكەندەي, كومپانييانىڭ شىعىنى 5,8 ملرد تەڭگەنٸ قۇرايدى.
"ونى ساتىپ العان سەتتەن باستاپ ٶندٸرٸستٸ قالپىنا كەلتٸرۋ جۇمىستارىمەن اينالىستىق, كەسٸپورىن ۇجىمى الدىنداعى ەلەۋمەتتٸك مٸندەتتەمەلەردٸ ورىنداۋدى جالعاستىردىق. بٸراق بٸز ٷشٸن, نەگٸزٸنەن, تاماق ٶنەركەسٸبٸندە بۋىپ-تٷيۋ ماتەريالى رەتٸندە پايدالانىلاتىن بوپپ-پلەنكالار ٶندٸرٸسٸ قىزمەتٸمٸزدٸڭ بەيٸندٸ تٷرٸنە جاتپايدى. وسىعان بايلانىستى كەسٸپورىندى وڭالتۋدى ساپالى جٷرگٸزۋ ٷشٸن سەرٸكتەستٸ تارتۋ تۋرالى شەشٸم قابىلداندى", – دەدٸ ۇلتتىق كومپانييا.
قول جەتكٸزٸلگەن مەمٸلە "پوليمەر پروداكشن" ٶندٸرٸستٸك قۋاتتارىن جەدەل قالپىنا كەلتٸرۋ جٶنٸندەگٸ جوسپاردى ٸسكە اسىرۋعا مٷمكٸندٸك بەرەدٸ, ول ٷشٸن قوماقتى ينۆەستيتسييالار سالىنباق.
"كەستەگە سەيكەس, كەسٸپورىندى قالپىنا كەلتٸرۋ جەنە ٶندٸرٸسكە كٶشۋ 2025 جىلدىڭ ٸٸٸ-IV توقسانىنا ساي كەلەدٸ. قازٸر زاۋىت قىزمەتكەرلەرٸ بٸلٸكتٸلٸگٸن ارتتىرىپ, "سيبۋر" كەسٸپورىندارىندا كەسٸبي تاعىلىمدامادان ٶتۋدە", – دەيدٸ "قازمۇنايگازداعىلار".
ايتا كەتسەك, "پوليمەر پروداكشن" جشس 2012 جىلى اتىراۋ وبلىسىندا پوليمەر ٶنٸمدەرٸن ٶندٸرۋ جٶنٸندەگٸ جوبانى ٸسكە اسىرۋ ٷشٸن قۇرىلعان. زاۋىت 2015 جىلى پايدالانۋعا بەرٸلدٸ. قارجىلىق قۇجاتتاعى ەسەپكە سەيكەس, Polimer Production-نىڭ شىعىنى 2022 جىلعى 31 جەلتوقساندا 27,59 ملرد تەڭگەنٸ, كاپيتال تاپشىلىعى 6,02 ملرد تەڭگەنٸ قۇرادى. ودان بٶلەك موينىندا Samruk-Kazyna Ondeu ارقىلى الىنعان 12,1 ملرد جەنە 11,05 ملرد تەڭگەنٸڭ نەسيە اقشاسى تاعى بار. سونىمەن قاتار, قاپ پەن پلەنكا ٶندٸرۋشٸ كەسٸپورىن 2021 جىلى 793 ملن تەڭگە, ال 2022 جىلى 1, 19 ملرد تەڭگە قارجىلاي كٶمەك الدى. سونداي-اق,2022 جىلى كەسٸپورىننىڭ جارعىلىق كاپيتالىنا 3,3 ملرد تەڭگە قاراجات قۇيىلدى.
2023 جىلعى جەلتوقساندا Polimer Production جارعىلىق كاپيتالىنىڭ 100%-ى بۇرىنعى يەلەرٸ - "Samruk-Kazyna Ondeu" جشس (99,9%) مەن "تاراز حيمييالىق پاركٸ" ەەا باسقارۋشى كومپانيياسىنان (0,1%) "قازمۇنايگاز "ۇك" اق-نىڭ قولىنا ٶتتٸ. ول كەزدە ۇلتتىق كومپانييا "مۇنى مۇناي-گاز-حيمييا اكتيۆتەرٸن شوعىرلاندىرۋ جٶنٸندەگٸ جۇمىس بويىنشا جٷرگٸزٸلگەن دەيەكتٸ ٸس-شارا" دەپ اتادى.
Polimer Production قىزمەتٸنٸڭ نەگٸزگٸ تٷرٸ - "KPI" جشس ينتەگراتسييالانعان گاز-حيمييا كەشەنٸندە الىناتىن پوليپروپيلەننەن پوليمەرلٸ ٶنٸم ٶندٸرۋ. KPI-دٸ قمگ باسقارادى, سوندىقتان Polimer Production-دى ۇلتتىق كومپانييانىڭ ەنشٸسٸنە ٶتكٸزۋ اتىراۋ وبلىسىنداعى بٸرىڭعاي گاز-حيمييا كەشەنٸ شەڭبەرٸندەگٸ جوبالاردىڭ سينەرگيياسىن قامتاماسىز ەتەدٸ, دەلٸنگەن سول كەزدەگٸ اقپاراتتا. ال 2023 جىلدىڭ جەلتوقسانىندا Polimer Production قاتىسۋشىنىڭ اۋىسۋىنا بايلانىستى مەملەكەتتٸك تٸركەۋدەن قايتا ٶتتٸ.
