قازىنام بار
بٸرەۋگە بەرسەم بە ەكەن?!
ٶكپەلەيدٸ-اۋ بەرمەسەم,
بەرسەم, بٶتەن.
بار بايلىقتى قوينىما تىعىپ الىپ,
ەلدە مىنا قٷمدارداي ٶلسەم بە ەكەن!?
قازىنام بار,
بٸرەۋگە قيسام با ەكەن!?
رەنجيدٸ-اۋ قيماسام,
قيسام, بٶتەن.
ەلدە مىنا دالاداي بار بايلىقتى
بٸر ٶزٸم يەمدەنٸپ, جيسام با ەكەن!?
قازىنام بار.
تەۋەكەل, ساتسام با ەكەن?!
ٶزٸڭدٸكٸن ٶزگەگە ساتساڭ, بٶتەن.
ەلدە مىنا تاۋلارداي بٷركەنٸپ اپ,
بٷك تٷسٸپ, تەرٸس قاراپ جاتسام با ەكەن?
قازىنام بار.
قيساپسىز شەكتەلەدٸ.
قىزعانادى بٸرەۋلەر, جەك كٶرەدٸ.
بەرمەيمٸن دە, ساتپايمىن, كٶرسەتپەيمٸن!
الام دەسەڭ,
الدىمەن زەرتتە مەنٸ...
مۇقاعالي ماقاتاەۆ
