[caption id="attachment_31243" align="alignleft" width="344"]
فوتو. سامات مىرزالييەۆ.[/caption]
سونداي كووپەراتيۆتەردىڭ ءبىرى شاراپحانا اۋىلدىق وكرۋگىنە قاراستى ماحامبەت وتەمىس ۇلى اۋىلىنداعى «قاراتاس» اۋىل شارۋاشىلىعى وندىرىستىك كووپەراتيۆى. وتكەن جىلدىڭ سوڭىندا قۇرىلعان ءسۇت شارۋاشىلىعىمەن اينالىساتىن كووپەراتيۆتىڭ بۇگىندە 117 مۇشەسى بار.
بىرىككەن كۇش بىرەگەي تابىسقا جەتەلەيتىنىن ايتقان شارۋالار كووپەراتيۆكە بىرىگۋدىڭ ارقاسىندا مەملەكەتتەن ءتيىستى قولداۋ كومەكتەر الىپ، شاۋاشىلىقتىڭ ءورىسىن كەڭەيتىپ جاتقانىن جەتكىزدى.
– ەگىستىگىمىز بەن مال جايىلىمدىق جەرىمىز ىڭعايلى بولعاندىقتان ءسۇت شارۋاشىلىعىن دامىتۋ بويىنشا 117 ۇساق شارۋاشىلىقتى بىرىكتىرىپ كووپەراتيۆ قۇردىق. «اۋىلشارۋاشىلىعىن قارجىلاي قولداۋ قورى» اق ارقىلى 30 مۇشە 130 ملن تەڭگە كولەمىندە نەسيە الدى. وعان ساۋىندى 700 باستاي ءىرى قارا مال الىپ، ولاردان كۇندىگىنە 1 توننادان استام ءسۇت الىپ وتىرمىز، – دەدى «قاراتاس» اۋىل شارۋاشىلىعى وندىرىستىك كووپەراتيۆىنىڭ ءتوراعاسى ماقسات اراپباي ۇلى.
[caption id="attachment_31244" align="alignright" width="358"]
فوتو. سامات مىرزالييەۆ.[/caption]
الداعى ۋاقىتتا تاۋلىگىنە 3 توننا ءسۇت الۋدى جوسپارلاپ وتىرعان شارۋالار قۇنى 5 ملن تەڭگە بولاتىن سىيىمدىلىعى ەكى توننالىق ءمودۋلدى ءسۇت قابىلداۋ بەكەتىن ساتىپ العان. ونىڭ 50 پايىزى مەملەكەت تاراپىنان سۋبسيديالانعان. ءسۇت ساقتاۋعا ارنالعان تانكەر، ارنايى زەرتحانا، توڭازىتقىشپەن جابدىقتالعان. بۇعان دەيىن، كووپەراتيۆ ءسۇتتى «فۋد ماستەر» ءجشس-نىڭ ورناتقان سىيىمدىلىعى 1،2 توننالىق تانكەردە ساقتاپ كەلگەن.
ەندى جاڭادان ورناتىلعان ءمودۋلدى ءسۇت قابىلداۋ بەكەتىنىڭ ارقاسىندا شارۋالاردىڭ تاباسى ەسەلەنىپ، اۋدانداعى ءسۇت ءوندىرىسىن وركەندەتۋگە سەپتىگىن تيگىزبەك. مۇنداعى وندىرىلگەن ءونىم «فۋد ماستەر» سەرىكتەستىگىنە مايلىلىعانا قاراي ءليتىرى 80-85 تەڭگەدەن وتكىزىلىپ وتىر.
اگرارلى ايماققا جاتاتىن تاۋلى ءوڭىردىڭ اۋىل شارۋاشىلىعىن دامىتۋعا جىلدا ەرەكشە نازار اۋدارىپ وتىرامىز دەگەن اۋدان اكىمى تولەگەن تەلعارايەۆ وتكەن جىلى اۋىل شارۋاشىلىق ءونىم كولەمى 29 ملرد تەڭگە بولسا، وسى جىلى 32 ملرد تەڭگەگە جەتكىزۋدى جوسپارلاپ وتىر ەكەن.
وقو اكىمىنىڭ باسپا ءسوز قىزمەتى
