قازىعۇرتتا «جاستار ليگاسى-2024» اتتى روبوتوتەحنيكادان وبلىستىق تۋرنير ءوتتى. سايىسقا وبلىسقا قاراستى اۋدان، قالالاردان كەلگەن 15 كوماندا قاتىستى. قازىعۇرت اۋدانى اكىمى ازيزحان يسمايلوۆ سايىستى اشىپ بەرىپ، قاتىسۋشىلارعا ساتتىلىك تىلەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

– روبوتوتەحنيكا – بۇل بولاشاققا اپارار ماڭىزدى باعىتتاردىڭ ءبىرى. قازىعۇرت اۋدانى جاس بۋىننىڭ تەحنولوگيالىق ساۋاتتىلىعىن ارتتىرۋعا ەرەكشە كوڭىل بولەدى. ءبىز مەكتەپتەردە وسى سالاعا نازار اۋدارىپ، جاستاردىڭ شىعارماشىلىعىن دامىتۋعا بارلىق جاعداي جاسايمىز، – دەدى.

تۋرنير ناتيجەسى بويىنشا 1-ورىندى «قازىعۇرت» كومانداسى (قازىعۇرت اۋدانى)، 2-ورىندى «بولاشاق»كومانداسى (قازىعۇرت اۋدانى)، ال 3-ورىندى «تولەبي دارىن» كومانداسى (تولەبي اۋدانى) يەلەندى.

ايتا كەتەيىك، تۇركىستان وبلىستىق «جاستار رەسۋرستىق ورتالىعى» كمم-نىڭ باستاماسىمەن، قازىعۇرت اۋدانى اكىمدىگىنىڭ قولداۋىمەن وتكەن تۋرنير ماقساتى – جاستاردىڭ عىلىم مەن تەحنيكاعا قىزىعۋشىلىعىن ارتتىرۋ، ءبىلىم ساپاسىن جاقسارتۋعا ۇلەس قوسۋ، روبوت قۇراستىرۋ، باعدارلامالاۋ جانە تەحنيكالىق ماسەلەلەردى شەشۋ داعدىلارىن دامىتۋ، شىعارماشىلىق ويلاۋدى قالىپتاستىرۋ، وڭىردەگى يننوۆاسيالىق باستامالاردى قولداۋ.