اقىن، سازگەر، دراماتۋرگ، «پلاتينالى تارلان» سىيلىعىنىڭ يەگەرى  يسرايل  ساپاربايمەن  حالىقارالىق بيزنەس جانە كوممۋنيكاسيالار كوللەدجىنىڭ ستۋدەنتتەرى «قازاقتىڭ قارا بالاسى» اتتى كەزدەسۋ وتكىزدى.  اتقارۋشى- ديرەكتور سەمبييەۆا ساۋلە بالتاباي قىزى مەن  جالپى ءبىلىم بەرۋ جانە الەۋمەتتىك پاندەر مەڭگەرۋشىسى مۇدۋاروۆا لاريسا مۇحامبەتقالي قىزىنىڭ ۇيىمداستىرۋىمەن وتكەن ءىس-شارانىڭ نەگىزى، بەلگىلى اقىننىڭ تاعىلىمعا تولى شىعارماشىلىعىمەن جاستاردى تانىستىرۋ ءارى اقىننىڭ تانىمدىق اڭگىمەلەرىن تىڭداۋ بولاتىن. شىعارماشىلىق كەشتە يسرايل اعامىزعا ستۋدەنتتەر ءار تاقىرىپتار بويىنشا سۇراقتار قويىپ، يسرايل ساپاربايدىڭ ءومىربايانى جايىندا دەرەكتى سيۋجەتتەر دە كورسەتىلدى. اقىننىڭ «جاس قازاق»، «جالعىزىم»، «ءبىزدىڭ قوعام»، «وزىمە-وزىم» سىندى ولەڭدەرىن مانەرلەپ وقىعان جاستار، سونىمەن قاتار «ءبىر تامشى كوزدىڭ جاسىنداي»، «مەن قازاق قىزدارىنا قايران قالام» اندەرىن تەبىرەنتە ورىندادى. جاس اقىن قالييەۆ  يبراحيم  بولات ۇلى يسرايل ساپاربايعا ءوزى جازعان ارناۋىن تەبىرەنە وقىدى.

«قازىرگى قوعامعا كوڭىلىڭىز تولا ما؟» دەگەن سۇراققا اقىن: «وسى كۇنگە جارىق كورگەن ولەڭدەرىم جاۋاپ بولماق، استارلى سوزبەن ايتىلعان اششى، ىزالى وي!»، –دەپ جاۋاپ بەردى.  22 قىركۇيەك قازاقستان رەسپۋبليكاسىنىڭ تىلدەر مەرەكەسىمەن، الماتى قالاسىنىڭ 1000 جىلدىعىنا وراي ۇيىمداستىرىلعان ءىس-شارادا يسرايل ساپارباي جاستاعا وتان ءسۇيۋ، ادەبيەت-مادەنيەت، ءسالت-داستۇر، تاريحىمىزدى، اسىل ءدىنىمىزدى سىيلاۋ جايىندا كەڭىرەك اڭگىمە ءوربىتتى. ءسوزىنىڭ سوڭىندا «وزگە ۇلتقا ەلىكتەگەندەي ءوز مەملەكەتتىمىزدىڭ سالت-داستۇرىنە دە ءمان بەرە قاراڭدار. ەلدىڭ بولاشاعى، جۇرتتىڭ ەرتەڭى – سەندەردىڭ قولدارىڭدا»،  – دەپ اياقتادى.